【米豬媽媽】飛媽媽 - 拋夫棄子shop爆Akachan
2020-03-10
大阪京都之旅第二日朝早,我同米豬、老公同老爺奶奶分開咗,因為我要自己踏上征途,去AKACHAN掃貨比一班香港嘅表妹ssss,呢日係香港星期一,所以早一晚已經同大家約好咗,日本時間9-1130我會响whatsapp同大家live有咩賣~~ 要買就話我知唔駛怕醜~
由於住响難波,我行過metro搭御堂筋線去到本町駅落車,行去9號出口中央大通
上地面後向左望就見到﹛係咪好就腳呢?
其實呢個位係响心齋橋尾,所以今日老公就帶住米豬,老爺同奶奶由難波食早餐,再一路行心齋橋嚟Akachan meet我,呢個安排係咪好正呢?又可以shopping,但又唔駛帶住一家大細陪你shopping, 我哋9點分開約咗11點半响心齋橋尾meet up返,之後一齊去黑門市場~
老爺奶奶好驚我盪失路,所以去到門口梗係要打個卡俾2位老人家放個心啦~
(老公不停咁話: 佢有街行就唔會盪失路﹗你哋放心啦! 有得買嘢佢日文都識講)
本館都5層……. 仲有別館………… 2個半鐘真係好窄好窄…..
一階,即係門口嗰層,係食品同小小日用品,例如奶咀鏈,戒片褲仔同尿片
對住牙刷牆有給嚇到….
還有海量餐具
我考慮咗3秒買唔買比米豬ga, 不過我想佢快D戒奶咀, 最好3歲前戒到, 所以就冇買嚕~ 食緊0個個爛咗就掉啦
戒片褲~ 以為屁屁同豆沙要買, 但原來佢地都唔打算用~ 慳返~ 一階完~
二階 – 童裝, 主要係for 70-95碼小朋友
用咗全身細胞克制自己唔去拎小蜜蜂背包~~~
然後好慶幸自己生仔~ 如果唔係呢度啲褸仔我應該買咗2-3件,表妹ssss唔啱心水,飛站~
襪仔~ 超可愛,又平~ 掃咗一堆返去派街坊XD
仲有我此行除咗代購外嘅主要目的!! 買褲俾米著~!! 响度玩咗我大半個鐘
還有女裝
就到聖誕~ 所以都有聖誕衫呢~
三階 – 母嬰出產用品,尤記得當年要响樂天買餵奶bra返嚟,仲有差啲買咗下面件羽絨~
大肚婆唔怕凍只係一個傳說,我當年差啲冷親,大肚的你記得買返件
當然唔小得new born底衫仔啦~~ 細細件真係好令人懷念呀~~~
全部都好可愛~~~
呢層仲有鼠年套裝同和服添~~~ 超可愛呀~~
4階 牀品+睡袋ssss
本身想買多個睡袋俾米豬,但係揀嚟揀去又買唔落手,放棄
5階 玩具+cashier
由於呢位小朋友已經有海量玩具,所以全程無視佢~
但都要影吓俾表妹ssss睇ge
最後大家都好克制嘅情況吓,只係買咗大半籃~~
3萬yen都冇,對比2018年同表妹小姐去名古屋,呢度真係濕濕碎~
Shop完Ping,米豬都行到過嚟喇~ 一齊去黑門市場食嘢啦~~~
米豬豬的page~ 每日都update~
作者: 米豬媽媽
其他文章﹕