【傑。斯與晴】小JM料理台 簡易下午茶 迷你酥皮檸檬撻
2020-03-28
疫情未退就唯有係屋企搵嘢玩，
既然閒賦在家，最啱就係同小主一齊整甜品，實行以 #正能量 對抗疫症！
從飲食著手增強勉疫力，以對抗惡菌！
小JM最鍾意食果撻，今次我哋就整「檸檬酥皮撻」來對抗疫症啦。
一顆小小嘅檸檬就已經含有豐富嘅維他命，絕對係增強勉疫力之選！
今次都遇到有個難題，就係行咗好幾間鋪都買唔到酥皮呀！
不過呢少少野係唔會難到媽媽嘅，我已經諗好兩個方法：
1.) 自己搓皮
2.) 用印度餅皮
結果又好好彩俾我地買到印度餅皮，媽媽我又可以懶下啦～
材料:
印度餅皮
雞蛋 三隻
檸檬 兩個 (用作整檸檬皮及檸檬汁)
糖 40g
無鹽牛油 40g
水 15ml