【生仔要考牌】媽媽只顧打機懶理BB自己托奶樽食奶 網民:唔想湊就唔好生!
2020-03-31
疫症肆虐,如無必要盡量不要外出。有網民在FB討論區「North District 北區」上載兩張照片,表示一位媽媽在坐巴士期間,只顧打機沒有理會正在哭鬧的懷中BB,直到BB開始大聲喊,媽媽才把奶樽放入BB口中,然後用孭袋頂住個奶樽,繼續雙手攞打機!有網民表示媽媽很不負責任,「唔想湊就唔好生!」
發帖網民表示,昨晚在粉嶺坐巴士是看到一位媽媽,帶着一個大約2歲小朋友及孭住一個4個月左右的BB,當BB開始扭計時,媽媽顧着打機而沒有理他,「直到個B開始大聲喊,佢先塞個奶樽入佢口,再用孭袋個邊頂住個奶樽,繼續雙手打機!」
網民表示BB一食到奶樽立即收了聲,很乖地飲奶沒有再哭,感覺BB很肚餓,同時不忍心BB手仔細細卻要自己頂住個奶樽,又認為媽媽應該要望實BB飲奶,以免發生意外。網民表示媽媽旁邊還有個2歲左右的小朋友,有戴口罩及防疫帽,但懷中的BB則沒有佩戴。最後呼籲認識這位媽媽的人可以和她說聲,「佢生得BB出嚟,唔係就咁喺個電話screen度用佢哋做wallpaper就係盡咗責任!」