【Timtam仔成長日誌】媽媽耐性的挑戰

Trouble Two的Timtam仔最近的確令人好勞氣！完全是挑戰緊我的耐性！好似去街想佢著左對襪先，佢就偏偏著左鞋就唔肯著襪，我知道越迫佢越唔肯著，咁小事冇需要打罵，我就會用說話引佢去著襪，唔係次次都成功，有時可以兩母子笑住去著襪，有時耐性盡失半推半就喊住著，前題是否趕時間、那天有沒有心情跟佢磨時間！

Trouble two 其一特徵就是開始有自己主見，唔再完全聽哂大人指令去做事，有時我覺得其實這也是學習的過程，也是小朋友用佢地的方法去認識事物，我覺得冇即時危險性，其實都樂於讓他們自由去探索！

可惜長輩很多時會缺乏耐性，而且已經有既定的規範要咁做、要咁玩，唔跟從就係「百厭」、「唔聽教」！會認為小朋友在探索的時候，其實是在「攪事」、「破壞」、「阻住做野」！

Timtam仔有架可坐上去的玩具車，初初只讓Timtam仔喺屋企玩，但佢會鐘意反轉架車，用手轉動車輪去玩，我覺得這也是俾佢學習的機會，去到街上當見到真的車，佢會指住大車輪叫我睇，又會蹲下來觀望一下！我會把握時機，從中會簡單講解一下佢知車輪的作用！