【Timtam仔成長日誌】同BB講道理,真係聽得明?

2020-04-03


前日發生咗件事,好想分享一下!

話說爸爸好多時都會同Timtam仔講道理,Timtam仔似懂非懂咁聽,我成日都懷疑只有歲半的Timtam仔係咪真係聽得明!

前日我同Timtam仔打算坐巴士去婆婆家玩,我拎咗一個大媽媽袋(你明有多重),再加一袋食物回娘家,兩個膊頭各掛一個大袋!

拖住Timtam仔出咗門口,係走廊走咗幾步,佢就開始扭抱、大喊、唔行!佢平時都係咁,我諗起朋友叫我要狠心d,訓練佢行多d,今次就堅持唔抱佢,我自己先走去lift口撳lift!

回頭望望佢仍然企喺原地,不忿咁望住我,個樣話我知: 唔抱我! 我就唔行!

我話:好喇!有lift喇!再唔行過嚟,媽媽走喇!

冇反應!

因為我企喺lift口位置佢睇唔到我,我就話:好啦!媽媽走喇!bye bye!

仍然冇反應!

佢聽到lift門關上之後,先即刻跑過黎搵我,佢笑住好似同我玩捉迷藏咁捉住我對腳,真係唔知好嬲定好笑!

入左lift, 我終於嘗試同佢講道理!

我:媽媽今日拎住好多嘢,抱唔到BB! 你睇!媽媽拎住兩個袋好重,你拎吓有幾重!

我真係將個袋俾佢拎下!

BB:…

我: 係咪好重!媽媽抱唔到BB,BB自己行,媽媽去到巴士站再抱抱你,好唔好?

BB: (似懂非懂望住我!)

出左lift,平時的佢就會扭抱,佢今次真係冇喎!拖住佢行多一段路,我再讚下佢:BB拖住媽媽行好叻喎!媽媽去到巴士站就會抱BB喇!

終於……第一次成功拖住手行完全程路!

到底佢真係聽得明我講嘢,定只係一時興起想自己行呢?

不過經過今次之後,我會多d同佢講原因, 解釋點解媽媽要咁做,學習一下用溫柔而堅定的育兒法。

 

作者: Timtam仔成長日誌

相關文章:

【Timtam仔成長日誌】如何預防孩子過敏?

【TimTam仔】究竟食米糊先或是粥仔先?6個月嬰兒飲食加固心得分享

熱門文章

【育兒心得】為甚麼小朋友經常不停埋怨? 3大方法有助減少埋怨
05-30
【孩子舉動】尊重幼兒的自訂任務 | 何基佑
05-29
【處理衝突】學懂發問技巧 衝突迎刃而解
05-21
【親子手工】65個廁紙筒小手工大集合 適合學前幼兒 寓遊戲於學習
05-31
【父母大不同】爸爸湊仔較輕鬆?專家:爸爸比媽媽更快樂的真相
12-16

【香港保護兒童會】扮病、唔想玩、無食慾——悠長假期令孩子不想上學?3招助適應 復課生活
2020-06-03
【教養分享】青春的動力︳范玲
2020-06-03
【成長印記】你做乜唔執嘢呀?│Hello Bonnie 國際親子台
2020-06-03
【抗疫生活】疫情下,媽媽的新角色︳龍鳳孖媽
2020-05-31
【親子手工】65個廁紙筒小手工大集合 適合學前幼兒 寓遊戲於學習
2020-05-31
【遊戲學習】情緒遊戲分享:情緒對對碰︳H.Y老師
2020-05-31
查看更多   ▸