【3B孖媽】郊遊自駕拍檔 平治B-Class啱晒一家大細
2020-04-23
面對肺炎肆虐下,好多人被迫禁足留喺屋企,小朋友更係開學無期,留在屋企百無聊賴。好彩老公早前換咗部平治最新嘅B-Class,可以趁平日人少時間,同屋企兩個「野人」去郊外自駕遊,享受一下難得嘅清新空氣,兼同佢地「放電」。揸咗一輪,我發現呢部車嘅幾個優點:包括車廂空間寬敞實用、聲控指示夠方便,以及全方位保護夠安全。
1)車廂空間夠寬敞
屋企兩個小朋友唔知點解生得特別高大,而且成日無時停,車身空間夠大好重要。B-Class車仔細細好易揸又易睇位,全家四個人坐入去,唔會頂頭頂腳,有充足空間俾兩個小朋友「郁手郁腳」,唔知好定唔好? 另外,尾箱空間都非常實用,兩個小朋友嘅單車同滑板車,加埋野餐用品全部放得落,呢個容量真係無得頂!
2)聲控指示夠方便
新款B-Class外形好吸引,原來車廂設計仲吸引,講嘅係設計成一塊過嘅表板連中控台(由兩塊屏幕組合而成:一塊顯示行車資訊,另一塊負責音響、冷氣等等),夠科幻之餘,介面設計清晰易明,我一學即識,而且操作仲好方便。點方便法?呢個MBUX多媒體系統,支援聲控操作,只要講:「你好平治!」或「Hey Mercedes!」,就可啟動語音控制系統,處理我嘅指示,好似開關冷氣、音響及免提手機通話等,雙手唔洗離開軚盤,夠晒安全。呢個系統有學習功能,同佢講得愈多,愈知我喜好,好似多咗個私人助理咁,又幾好喎!
3)全方位保護夠安全
對於汽車安全,父母自然會放喺買車選擇第一位,唔怪之得平治咁受歡迎。聽老公講,新B-Class唔止有Hill Start Assist防止斜路溜後、Active Brake Assist 主動制動輔助,仲有Active Parking Assist with PARKTRONIC主動輔助泊車系統,加上8氣袋,無論行車同泊車都保護晒全家人,一家人出去親子自駕遊就夠晒放心啦!
了解更多:平治全新B-Class