【安妮媽媽親子日記】第二胎QE生產記錄 | 二胎大不同
2020-05-11
2020年4月17日
半夜凌晨三點開始覺得肚痛,以為又好似之前咁假宮縮,無理佢又繼續瞓,之後持續半個鐘痛醒一次,直到5點半果次覺得痛多咗,就決定起身擦牙洗面,檢查多次入院袋,叫醒老公起身準備送我入院,再打俾婆婆過來照顧哥哥,快速食早餐。
聽人講話第二胎產程會更快,所以我哋即刻搭的士去QE,點知好戲在後頭!
去到QE拎住入院記錄卡就可以直接上B4産房。我要自己入去産房做檢查,老公幫我去登記辦理入院手續。
可能係疫症期間,護士都問得好詳細,也提醒由入院開始就一定要帶口罩,生BB時都唔可以除。
檢查後就可以去C2產前房,由於唔知仲要等幾耐,所以叫老公番去陪哥哥。