【和牛b的成長日記】「助養野生動物」培養愛心
2020-05-20
我係一個好鍾意動物嘅人，所以對於動物嘅權益我都好留意。亦因為我自己好鍾意動物，又熱愛和平。從和牛B細個嘅時候，我就開始教育佢愛護動物、及愛護大自然。
所以除咗卡通片，動物頻道亦係佢最鍾意睇嘅節目。佢對於動物界同大自然嘅嘢，都好好奇，每次一路睇都會一路問我。
就好似最近電視睇到大象群嘅生活，大象BB好鍾意沖泥漿浴咁。和牛B睇到大象BB咁玩泥漿，都睇得好開心。我哋亦從而得知大象沖泥漿浴係有原因，就係泥漿可以保護大象嘅皮膚。
同好多野生動物一樣，大象近年亦面臨滅絕威脅。原因係隨著非洲人口增長及住屋擴展，令大象逐漸喪失其棲息地和傳統嘅遷徙路線。而其中最受影響就係西非，大象活動範圍已大幅縮減近九成半。再加上每年2萬多隻非洲象因為象牙而被殺，我哋都唔希望大象有一日會喺地球上消失！所以我哋依家參加助養大象計劃去支持推動保育大象嘅工作。希望每人盡一分力，拯救大象生命!
依家只要助養大象，就可以得到可愛大象毛公仔一隻、「助養」證書一張、定期收到保育資訊《大象動向》、《生命之延》環保刊物。亦令小朋友明白自己都係地球一分子，有責任有義務去保護地球嘅資源。
立即捐款/助養：
https://apps.wwf.org.hk/donation/zh/elephant/monthly/choose-amount?utm_source=Singtao&utm_medium=KOL