【抗疫生活】talk媽媽 - 長期保持社交距離的小孩︳米豬媽媽

2020-05-20


由一月尾到而家,足足過咗3個幾月,為咗保持社交距離,我哋都甚少出街,米豬更加除咗返婆婆度(感謝舅父仔專車接送)之外冇離開過間屋成3個月,連朋友仔都冇見面,每日只係對住我同爸爸,彷彿已經忘記咗點樣同其他人相處同溝通。

97663360_261848758513738_5805268558246051840_n

4月尾疫情開始緩和,我哋就近近地,由去附近散步開始,慢慢帶米豬走返入社會,見返多啲人,不過一落樓下已經feel到奶嘢…….. 以前會同看更叔叔雞啄唔斷嘅米豬,連叔叔同佢講早晨都唔應人,仲匿埋响我後面…. 好似好驚人哋同佢講嘢,見到佢咁….

由於附近嘅公園全部圍封,只可以去海邊散步,睇吓船、睇吓車、睇吓狗仔,但好快就發現,米豬嘅步伐比平時慢咗好多,可能太耐冇著住鞋行咁遠啦。我哋穿過天橋,要落返地面時,佢竟然連樓梯都唔記得點落…. 平時1分鐘都唔駛就落完嘅樓梯,要逐級逐級落,行咗足足4分鐘先落到地面,嗰一吓話唔心悒就呃你啦… 困到樓梯都唔記得點落喎….

97984337_240382183961951_5669833821197959168_n

有時會諗,係咪我哋過份保護,令到米豬又變返怕生保,怕同父母以外嘅人交流,甚至連去公園玩,爬高爬低都已經唔記得晒?結果响健康同社交之間,我哋依然選擇咗健康,因為只要有健康嘅身體,我哋先可以繼續行再遠嘅路。

4月頭,爸爸考到車牌,決定5月頭幾日long weekend租車帶我地周圍去玩吓,第一日返婆婆度,同屁屁表妹開生日會,豆沙表妹同喬喬表弟都嚟咗,仲有婆婆個朋友帶埋個孫女嚟一齊玩,响走廊行緊返去時米豬仲好興奮,跑去拍門,點知一入到屋,見到多咗好多陌生面孔之後,入屋消完毒洗完手之後,米豬就匿咗入房,死都唔肯出嚟,仲話「要social distance吖嘛!」 過咗一陣,再引吓佢出廳,佢話「你哋咁多人咁大聲我好驚呀!! 我响度睇鐵鐵得㗎喇! 我唔駛出去㗎!」 又匿返入去……… 結果婆婆個朋友走咗,再經舅父仔一輪誘惑,喬喬表弟多次邀請後,佢終於肯出返廳玩,但講緊已經係過咗個半鐘後嘅事….. 我哋走時特登入咗一轉西貢買海鮮,米豬個口係機關鎗咁冇停過, 一係不停食一係不停講,同响婆婆屋企時判若兩人。

熱門文章

仁心仁術|25醫護齊集搶救血崩孕婦、新生兒 生產過程驚險萬分:牆上都是血
10-21
藍田「半天吊」B仔憂有過度活躍問題 將安排醫生作檢查
10-21
感人故事|新娘婚禮上對繼子讀「愛的誓言」 4歲男童感動大哭 衝上前抱緊「媽媽」
10-20
藍田B仔爬窗險墮樓 婆婆親述事件:嚇到就嚟斷氣
10-19
死因研訊|孕婦打催生針後死亡 醫生指羊水出血並不常見
10-20