【80後媽咪】培養孩子閱讀興趣 由父母做起

睇我個blog耐D嘅朋友大概都知，
我其實並唔係一個愛閱讀嘅人，
偽文青就得…
叫我真係坐定定睇書… sorry我真係做唔到…
真心覺得睇書真係一件悶到嘔嘅事！

不過人會變，
為咗小朋友，我切切實實的改變了很多。
自從有咗朗朗同魚仔之後，
我每晚都好努力陪太子睇書，
一直都好想培養佢哋，讓佢哋有閱讀嘅習慣。

哥哥都OK鍾意睇書架，
佢好細個已經鍾意聽故事，
對各方面嘅書都感興趣，
對於培養佢閱讀，我覺得一D困難也沒有。

但去到細佬呢，
就真的覺得好頭痛。
每晚睇書嘅時候，細佬佢唔願睇都算，
仲要一直跑來跑去，過來搗蛋，
搞到我哋幾乎連書都睇唔到咁滯。

試過氹佢睇，多D問佢問題，諗住能夠吸引到佢睇書，
結果都係冇乜用，
真的花了很多時間、氣力落細佬度。
人地話大吓大吓會好D，坐得定D，
我等吓又一年，等吓又一年，
然而佢仲係對書本提不起興趣，
或者有時心情好都肯坐低睇吓，
不過睇唔夠一頁，又話要揭去後面，都唔係睇嘅。
真心覺得，有D小朋友，
唔係你肯培養，佢就能夠愛上圖書。

搬咗出西環之後，
我哋屋企同圖書館近咗好多。
閒來冇嘢做，我會帶佢哋去睇吓書，
總覺得，與其永無止境的買到成屋都係書，
不如多去圖書館，讓佢哋接觸更多不同種類嘅圖書。
效果竟然出乎我想像中的好！
佢地睇嘅圖書，不知不覺間廣泛咗好多。