【媽咪二次懷孕32W】懷孕血壓低啱飲！女人恩物！桑寄生雞蛋茶！│Kylife
2020-06-04
我懷孕之前同大家分享過我出現孕初期發仔暈，姐係孕初期血壓偏低，個人成日見好攰，想暈，面無血色，成日覺得好凍咁！
當時我上網搵過不少孕媽咪分享都係建議要即時食少少甜嘢補充糖分！不過宜家我就快孕後期都好驚妊娠糖尿，其中一個原因係因為照結構後醫生發覺我胎水水平比較高，所以都即刻建議盡量減糖，所以甜嘢我都盡量避開晒！
不過今次快踏入孕後期三十週，我又開始出現番同樣的問題，個人好似易攰，又開始面無血色，最明顯係我的血壓一係量唔到，一係又去到偏低嘅血壓九十頭狀態，所以我又要諗辦法改善啦！
依個時候媽咪知道我唔舒服，佢二話不說即刻買料煲桑寄生雞蛋茶俾我，依款糖水有補血安胎的功效，桑寄生有養血安胎，補肝腎功效；而平時男女飲用就有寧神安睡，補血美顏功效添，女仔飲更有紓緩經痛的功效，所以好推介大家平時煲嚟飲吓滋潤養生！
材料
桑寄生 一兩
雞蛋 兩隻
紅棗 數粒
圓肉 適量
步驟
1. 所有材料洗淨，紅棗去核
2. 中火煲滾半煲水後倒入桑寄生同紅棗煲30分鐘就搞掂！
小貼士
1. 大家要先確認進食者對材料無敏感
2. 食譜只供參考，一切份量大家要自行判斷
懷孕中看到筋肉寶寶的成長，令我更期待二胎BB的加入！
每週小煮意食譜、二寶日常點滴、親子好去處、大家記得要follow呀！
喜歡玩IG的朋友記得Follow：kylife.babies
面書專頁：Kylife與二寶之日常
作者：Kylife