【 小一叩門面試 】新手家長點樣「 叩門 」?︳ 趙榮德

2020-06-04


有一位新手家長接到兒子的《小一註冊證》後,問我 小一叩門方法 幾時應該去「叩門 」,又為甚麼教育局沒有指定一個「 小一叩門面試  」日子,希望我為她「指點迷津」,以下為我們關於今年「 小一叩門面試 」的對話,有興趣知道多些 叩門 資料宜細讀:

趙榮德為本人   家為家長

小一叩門面試 —重要日子

家:趙Sir,今年受疫情影響,教育局一早寄了「小一註冊證」俾我哋,變成冇咗放榜日期,如此這般,我哋家長應幾時去小學「 叩門 」?

趙榮德:如果小學冇喺網頁公佈 小一叩門面試  詳情 ,一般仍於六月六日開始「叩門」,如浸信會呂明才、香港聖約瑟小學、播道小學,都要求家長於六月六日開始申請,番禺會所華仁小學則於3月9日至6月9日交;家長要小心的是有些小學要求家長填表格申請;有些只是要求遞信同文件,所以,為安全計,最好「叩門」前上網睇清楚。

所需文件

家:想知道 小一叩門面試 有乜嘢文件要帶?

趙榮德:一定要帶小一註冊證副本、小朋友之出世紙、「自行分配」、「統一派位」表格之家長副本、K2成績表或持續評估表及領洗紙副本 (如果有)。

家:是否全部 一小叩門面試 申請者都可以參加考試?

趙榮德:一般小學是,名校因申請人數太多,可能便選擇適合該小學文化及程度的才有機會。

叩門 面試題目

家:小一叩門面試 多會問些甚麼題目?

趙榮德:一般都會考小朋友的中英程度,題目包括叫佢讀一段英文、一段中文嘅文章,或者要佢讀十個八個英文同中文嘅易讀錯嘅深字。

家:點解要咁考啲學生?

趙榮德:原因是想知道考生嘅程度,如果程度唔夠,你讀果段英文或者中文一定「拖牛上樹」,讀到冇厘神氣,一啲節奏都冇。要考生讀深字,係名校唔會容忍學生讀錯音,將name讀nam,butterfly讀作butterFLY,mother讀作「媽打」,一定被K.O的;又如果把跳「蚤」個蚤字讀作「失」而不讀「早」,骨骼個「骼」讀作「洛」而不讀「格」,點綴個「綴」讀作「拙」而不讀「最」,咁嘅表現,神仙難救。

家:其實是否所有 小一叩門面試 小學都想收叻嘅學生?

趙榮德:未必。如果要透過 小一叩門面試 收叻嘅學生,應該要考筆試,因為筆試時間比較長,題目比較深,用筆試先至可以收到叻嘅學生, 叩門 面試單憑問學生乜嘢名,有乜嘢興趣,讀幾個深字,難以收到叻仔的。

家:咁啲校長會透過 小一叩門面試 收啲乜嘅學生?

趙榮德:多會收啲符合學校文化,中英文基礎穩固,好學不倦,聽教聽話嘅乖仔。

家:我個仔都有你剛才講果幾樣條件。

趙榮德:咁,佢應該有機會 小一叩門面試 成功,祝你哋好運。

 

作者: 趙榮德

FB: https://www.facebook.com/peterchiusir

其他文章:

【 趙榮德 】怎樣製造一個「一擊即中」的Portfolio

【 趙榮德 】香港22間「傳統名校」之特色

 

熱門文章

【20/21升小】男拔聖士提反加學費 女拔蔡繼有陳守仁凍結學費 全港75間直資私立小學學費一覽
09-24
【福建中學附屬學校】好玩教學新設施 實體呈現書本知識
09-26
小一自行分配截申請 北區校收表不減反增
09-26
小一自行分配截申請 北區校收表不減反增
09-26
直資私立國際校申調整學費 林大輝中學增21 . 6 %學費加幅最高
09-25

【直資私小收生】陳守仁保留實體面試 因應孩子程度考核 其他直資私小收生疫下拍片替代
2020-09-24
【20/21升小】男拔聖士提反加學費 女拔蔡繼有陳守仁凍結學費 全港75間直資私立小學學費一覽
2020-09-24
【小一入學】只有10或15分?3個有效的選校方法│趙榮德
2020-09-21
【小一升學】升小自行分配學位 搶報心儀校有「計」
2020-09-21
【升小自行收生】小一「自行分配學位」今日起交表 名校喇沙小學門外有家長排隊
2020-09-21
【小一入學】家長下周一起可遞交小一入學申請表 每名子女限交一份
2020-09-17
查看更多   ▸