【正能量】被質疑高調分享兒子病情想搵錢做KOL 小鐵漢爸爸：唔會消費囝囝個病嚟搵錢

患有先天性心臟病的3歲男童「小鐵漢Kansas」，日前順利完成第5次手術裝心臟起搏器，小鐵漢媽媽 Doris 在社交網站FB專頁「小鐵漢媽媽」發文，指醫生稱小鐵漢情況「Very good」，而小鐵漢爸爸Jayco在電話中聽到兒子「愛的宣言」，更激動流下男兒淚。不過兩夫婦每天更新兒子的情況，卻被質疑想搵錢做KOL，爸爸特地發文澄清「絕對唔會消費自己仔仔個病嚟搵錢！」

爸爸表示最初分享兒子病情的目的，是希望大家給予信心！「如果我太太見到我軟弱，佢就會更軟弱，所以我當時最需要嘅就係支持同鼓勵，咁樣我先可以夠力量撐起鐵漢一家！」又指兒子的病情一直反覆，非常無助，「我需要正能量支撐我自己去繼續Keep Going，那怕只係簡單『加油』兩隻字，對我嚟講都係好重要！」

除了為兒子集氣之外，爸爸仍希望透過分享兒子的病情，希望更多人關注同認識兒童心臟病，同時令所有比小鐵漢更不幸的人注入力量！「希望令所有認為自己經歷好不幸嘅人，知道原來呢個世界上有人比你更不幸，連個咁細嘅BB都咁努力生存，你其實無理由去放棄。」

至於被質疑是否想借分享兒子病情搵錢做KOL，小鐵漢爸爸則表示絕對唔會消費自己仔仔個病嚟搵錢，更大爆前幾日有知名清潔品牌願意付50萬讓他們兩父子一起拍廣告，爸爸狠狠拒絕！「而我太太個Page 小鐵漢媽媽 都只係小鐵漢嘅日記，裏面亦都唔會有廣告，之前冇、今日冇，將來都唔會有。」

最後，爸爸非常感謝每一位曾經留言支持的網友及照顧小鐵漢的醫護人員，「小鐵漢一定會快快樂樂健健康康咁成長，變成無敵嘅大鐵漢！」