【生仔要考牌】港媽帶BB車上小巴求讓位 乘客出言嘲諷被批無品

搭交通工具經常因座位而發生爭執，近日有網民就發文投訴自己乘搭小巴時，有港媽「恃住」自己有BB車，要求他讓位。雖然樓主最終讓出座位，但仍心生不忿，更出言嘲諷：「有錢生仔，冇錢搭的士」。事件引起網民熱論，不過樓主未獲其他網民支持，反被批評無品。

該網民在「生仔要考牌系列」Facebook發文，指自己大雨中等搭尾班車紅van回家，自己上車就揀了最後一排的雙人位。差不多滿座時，有一個婦人抱住BB走向樓主，「可唔可以讓個位呀？我有架車仔要擺呢度。」

樓主說，自己排第一，等了3個字車，而且付了車錢就有權揀位，況且小巴當時也不是沒有空位。雖然最後樓主還是讓出座位，但出言嘲諷「有錢生仔，冇錢搭的士」。直到網民落車時，婦人突然説了句「心地唔好，唔會有小朋友生㗎！」

樓主在文中怒斥，「點解香港越來越多女人生完仔就覺得自己大晒？要全世界就晒你一個先？」更指經過這件事，自己不敢生仔，「好怕我將來要同呢啲唔講道理、打橫行嘅家長打交道」。

不過其他網民就反批評樓主，「又要讓又要俾說話人聽，把口臭到」、「你可以一開始就唔讓，讓左個位又要俾說話人聽，唔見得你幾有品喎」、 「單人第一個上車坐孖位已經唔識做」