【甜到漏】結婚7年 痴漢Feel甜望老婆食雪糕 陳豪陳茵媺初戀式拍拖勁甜蜜

2020-07-02


49歲的陳豪(阿Mo)啱啱拍完《陀槍師姐2020》,之後又緊接連開兩套劇,出名「愛妻號」嘅佢趁放假當然要陪吓一直盡心盡力為屋企嘅老婆。上周一(22日),難得仔女復課,雙眼冇乜神的阿Mo拖住老婆陳茵媺(Aimee)去中環拍拖,雖然結婚7年又有三個小朋友,但兩人仍似熱戀情侶一樣,Sweet爆拖手又搭膊頭,沿途阿Mo不時喺Aimee耳邊悄悄話○氹對方開心,仲不停如痴漢般甜望老婆食雪糕,完全初戀Feel拍拖,得意又好笑。

陳豪近排好忙,上周才拍畢《陀槍師姐2020》,轉頭又要為本周一首播的新劇《殺手》密密做宣傳,接住再開拍邵氏劇集《飛虎3之壯志英雄》,不過就算劇接劇,永遠家庭第一的阿Mo幾攰都會「唧」時間陪老婆仔女,好似剛過去的父親節,他便於開工前同一家人去公園放電,非常溫馨。難得小朋友返晒學,上周一兩公婆就去中環IFC拍拖,享受二人世界!

陪食陪買

當日下午4時許,記者發現戴上口罩、穿便服的陳氏夫婦企喺電梯口吹水,Aimee孭住大袋Gucci戰利品,估計已經同老公Shopping完,而其橙色Hermes手袋就按「慣例」由阿Mo拎住。未知是否意猶未盡唔捨得返歸,兩人討論完一輪後,又手拖手上咗3樓買Frozen Yogurt食,以為一杯雪糕兩份分,原來是Aimee獨食,可能知道老婆鍾意食甜品,所以阿Mo讓對方一個人享受,自己就喺側邊望住Aimee慢慢嗒,看他雙眼笑瞇瞇,濃濃痴漢Feel咁睇住老婆食都咁開心。


^陳豪搭住Aimee膊頭,不時望住老婆食雪糕,其間女方發現記者捕捉其食相時即瘋狂爆笑。


^在商討下一個目的地時,阿Mo全程拖實老婆隻手,又幫手拎手袋。

調皮茵媺

而暫時卸下「媽媽」身分的Aimee,在老公面前亦顯得特別調皮,當發現記者在場時,她即擰轉面「偷食」並笑謂:「唔俾你影我食雪糕個樣。」記者即識做行開,阿Mo就Sweet爆搭實老婆膊頭,雙雙行去停車場攞車;後來不知是否老公提水?離遠見到鏡頭捕捉她的為食樣時,Aimee就再次戴番口罩,又忍唔住「岳」高頭大笑,誇張得連途人都忍唔住回頭望。兩公婆全程都大方任影,臨走前仲同記者揮手道別,近距離見到阿Mo雙眼現紅筋,問他是否好攰?他說:「呢排開工呀,好長時間,每日瞓得幾個鐘咋。」唔夠瞓都犧牲睡眠時間陪老婆行街,呢啲老公真抵錫!

熱門文章

【家居清潔】牆身發霉靠1支清潔用品KO 家庭主婦:噴完等30分鐘 新嘅一樣
08-05
半癱考生邱梓霖 如願讀科大理學士
08-07
【人間慘劇】海地糧食短缺 居民以爛泥製餅 醫生警告有蟲有菌 勿讓小孩食
08-08
【疫情故事】港大微生物學系3教授辭職移民 袁國勇認人手嚴重不足但會堅持
08-08
大埔麗和閣5人中招包括兩B女 銀湖.天峰現個案
08-08

【人間慘劇】海地糧食短缺 居民以爛泥製餅 醫生警告有蟲有菌 勿讓小孩食
2020-08-08
【感人故事】嫲嫲患老人痴呆忘記口渴致嚴重脫水 24歲乖孫研發水滴糖解決問題 榮獲兩項設計大獎
2020-08-08
【疫情故事】港大微生物學系3教授辭職移民 袁國勇認人手嚴重不足但會堅持
2020-08-08
本港增69宗確診 九龍灣港鐵車廠現小型爆發
2020-08-08
【疫情故事】美國科林斯率先復課 上月底至今6學生確診 116學生列緊密接觸 即需回家隔離2星期
2020-08-08
內蒙古出現第2宗鼠疫死亡病例 兩地發布鼠疫Ⅲ級預警
2020-08-08
查看更多   ▸