【好去處】懷舊鐵皮滑梯公園 x 紅磚屋麥當勞 x 沙田│和牛b的成長日記
2020-07-02
疫情仲未完全結束，我哋仲係唔太放心到室內遊樂場玩，所以最近我哋多數會到戶外放電。
今次帶咗和牛B，去尋找舊式嘅屋村鐵皮滑梯公園遊玩。
嚟到呢到係沙田小瀝源嘅「廣源邨」，大家可以話咪又係一個普通嘅屋村公園。
但就特別在，仲係舊時細個玩嘅經典鐵皮滑梯!!
鐵皮滑梯真係買少見少…夏天辣Pat Pat，冬天無靜電嘅滑梯!!
^ 馬騮架，以前嘅馬騮架都起得幾高~
^ 舊式嘅搖搖公仔
^ 旋轉式樓梯設計
鐵皮滑梯都幾高身，所以家長要多加注意~
妹妹仲細，今次就唯有陪住家姐住先啦~
回想番，細個好多時爸爸工作忙，好少有機會陪我去公園玩呢…
呢個公園嘅確實位置係，位於廣源邨廣榕樓。
嚟到小瀝源嘅廣源邨，呢到仲有一間外牆設計好特式嘅紅磚屋麥當勞。
見到外形咁特別，所以我哋又揀咗去呢到食個午餐小休~
雖然係食麥當勞無咩特別，不過睇出窗外風景都係紅磚屋設計，感覺好似去咗度假咁~
廣源邨仲有一個特色鐘樓~
原來鐘樓唔淨止尖沙咀碼頭有，呢到都有一個~
作者：和牛b的成長日記