【日本旅遊】飛媽媽 -- 奈良小鹿初接觸│米豬媽媽

join番一齊之後， 立即向黑門市場進發~! 醫肚緊要~!!! 我要掃街呀~!!

同老爺一人對咗隻巨生蠔先~!! yeah~ 

其實食生蠔其間，係等緊隔離舖煎好我串和牛XDD 超好味呀~!!!! 奶奶見我哋食到係咁嗌正， 連米豬都要搶住食， 就去買多2串喇~~ 

之後老爺奶奶唔好慣掃街， 老公就帶咗佢哋去食烏冬，我繼續毒食~ XD 又食咗個三色迷你丼~ 件大拖羅好正呀~!!!

再啪咗隻成座山咁高ge即開海膽~ 好滿足~~~ 

食飽之後就極速返酒店drop底akachan戰利品， 再向奈良出發~ 我哋今次係搭近鐵ge

終於搭到鐵鐵，開心到要yeah~~~ 

冇記錯大約8個字就到奈良了~ 但嚟到奈良之後天氣好麻麻…. (而天才的我今日係冇拎到個雨冚出嚟………… 仲放低埋把大家遮………..)

離開奈良近鉄，我哋就向春日大社進發，0個陣已經3點幾， D鹿鹿已經餵到飽飽，冇咁主動過嚟搵食，見有D想落雨，我哋都快手比米豬响一個比較多鹿ge公園落地親親小鹿先

初時都以為佢會驚，話晒係咁大個仔以嚟第一隻體型大過佢同埋可以互動ge動物，初時佢都係觀察吓，望多2望， 就問可唔可以摸摸小鹿，我哋都好識做， 即刻派咗糧俾小鹿先， 同埋同米豬講， 要好似摸三筒咁溫柔， 講嘢要細細聲ga wo~~

我哋4個大人笑到噴咗XDDDDDDDD 奈良d小鹿唔係聖誕老人0個D嚟ga傻瓜XDDD

之後再行咗10分鐘度， 開始落雨， 仲要大0個隻……………. 好在奶奶好醒， 袋咗件雨褸出嚟，我哋用件雨褸冚住米車身，大人就買咗2把透明遮

但係落雨都阻唔到我地親親小鹿~~

一見到小鹿就推開個篷，問嫲嫲拎餅餵小鹿~~

仲俾我哋遇到公鹿BB~~ 好可愛呀~~~

雖然大雨， 但老練貢遠嚟到， 我哋都照上春日大社~ 照寫繪馬ga~~ 繪馬繼續為香港祈福， 同埋為理大手足祈福 (0個陣一有空檔就睇香港新聞，根本un抽離able….) 行完之後就搭番巴士去奈良近鐵站，响便利店輕輕補給一吓， 去吓洗手間，米對咗枝奶就瞓咗嚕~

大家都知日本未必成日有lift啦~ 當米豬瞓咗之後， 就出現呢一幕咁有愛gee畫面~

返到難波之後， 就上房休息一陣， 就過咗道頓崛食飯喇~~~ 本身想食磯丸水產，點知間間都要等個幾鐘…… 結果我哋去咗食牛角放題~~

响激安之殿堂對面橋咋~~ 

响頂樓坐，個view唔錯， 但因為日本唔係全部飲食場所禁煙ge關係，食咗半個鐘隔離嚟咗枱煙民日本人，再過多幾個字又嚟咗枱煙民香港人………. 食落覺得選擇好似仲小過香港咁，拿拿臨叫多2碗牛角飯質飽個肚就閃， 費事吸埋晒D二手煙

食完落到樓下又落雨，今次我叻喇， 拎番把大家遮出嚟， 一野遮晒全家~ 威呀哩~~ 米豬見到對面舖有得夾公仔，就扯我哋行過去， 嗰陣都差唔多10點，又睇一陣啦~~ 可惜都冇啱心水ge公仔，有隻戴綠色聖誕帽ge pikachu佢又話唔鍾意， 慳番~

返酒店極速同米豬沖涼暗瞓覺之後就努力執行李，因為聽日keep行李响酒店之後就check out去海遊館，跟住返嚟拎行李就去京都喇~