【懷孕心得 】二胎懷孕日記繪本 │安妮媽媽

2020-07-07


畫畫可以放鬆心情,懷有弟弟時就畫了第二本繪本,想隨心記錄一下第二胎孕期的感覺,第時可以回味下。

分享給大家,唔知靚媽們有無同感呢!

heart
親愛的弟弟,這本小畫冊是送你的第一份禮物,和哥哥一樣,想讓你知道你在媽媽的肚子裏時已經被滿滿的愛包圍住慢慢長大,我們都好期待你的到來,要給你一個幸福溫暖的家!

希望你長大後看見這份禮物,會知道你的爸爸媽媽和哥哥是那麼的愛你!

弟弟,你要乖乖在媽媽的肚子裏健康地長大呀!我哋好愛你!

20200114_IMG_4526

heart

{ 懷孕與經期痛的分別 }

仲記得當初發現懷有二寶時,我以為自己是谷經痛,因為一直以來經期前我都會谷幾日經痛,所以都不以為意。

但以往每次谷痛的時間只得幾分鐘,這次時間明顯比較長和密,而且成個人都好唔舒服又見頭暈,所以決定去睇下醫生。

醫生問晒症,就叫我去驗小便,出到黎等結果果一分鐘真係覺得好漫長又緊張,直到見到第二條線慢慢出現時,真係覺得好驚喜!

因為實在太早期,所以開咗懷孕証明就走得,唔使照超聲波。

所以如果準備懷孕,到接近驗孕的日子時唔好俾假經痛厄到呀!懷孕初期有些人個肚都會悶悶痛架!

20200114_IMG_4527

heart

{ 懷孕初期要萬分小心 }

懷第二胎同第一胎真係好大分別,忙到好多時都唔記得自己胎住BB,要照顧哥哥,又要陪玩,每日都攰到極點!

無好好休息的情況下,到孕期6週時個肚成日都覺得好痛,保險d我都係去睇下醫生,好彩照超聲波後BB一切正常,排除咗子宮外孕的可能。

醫生吩咐一定要瞓牀好好休息,再痛就要再去睇醫生。

之後屋企人全天候幫手照顧哥哥,俾我可以休息,一個星期後我就已經無再痛了,都安心好多!

20200114_IMG_4528

heart

{ 最美妙的聲音 }

第一胎懷有哥哥時因為爸爸唔得閒陪我去第一次產檢,所以我記得果次真係好緊張!

今次爸爸終於請到假了,可以拖住手陪我產檢,當醫生俾我哋聽BB的心跳聲時,真係好感動!我覺得係最好聽同最令我安心的聲音!

20200204_IMG_5722

heart

{ 每天只想訓 }

今胎的反應真係好大,每日都超級超級眼瞓,一瞓落張牀度就好似俾人打暈咗咁!

好彩安排Aidan哥哥返全日班,我平日可以好好留喺屋企休息瞓覺。

20200204_IMG_5728

heart

{ 孕吐 }

孕期頭3個月,我每日5點後腸胃就超差,好怕聞到d煮餸味,一聞到就想嘔。每晚只食到幾啖白飯,個口苦到想切咗條脷落嚟,輕咗足足10磅。

終於捱過咗頭3個月,我好似番生咁,可以食番我鍾意食的嘢,唔會咁眼瞓,可以陪多d 哥哥玩,希望成個孕期都要順順利利呀!

20200204_IMG_5729

heart

{ 神隊友爸爸 }

身邊有個幫得手的好隊友真係好重要,可以令我有更多的時間休息安胎。

Aidan真係好鍾意同爸爸玩,可能係由細到大都有陪伴的關係,佢哋的感情真係好好,爸爸都好了解仔仔的需要。

感情係需要從小培養的,陪伴就係給孩子最好的禮物!

20200204_IMG_5730

heart

{ 你做哥哥喇 }

同Aidan講媽媽的肚子裏有BB,你做哥哥喇!

初頭佢都唔太明白係咩事,但見住我個肚愈來愈大,開始知道有弟弟係裏面,會成日走嚟摸我個肚肚,好可愛!

20200204_IMG_5731

heart

{ 胎動的感覺 }

今胎唔夠4個月就感覺到胎動,真係比上一胎快好多呀!

20200204_IMG_5732

heart

{ 親親弟弟 }

哥哥好喜歡錫弟弟,有時玩玩下玩具會跑過來攬下我,之後就錫啖弟弟,媽媽真係覺得好溫馨呢!

相信你會是一個暖男哥哥。

20200223_IMG_7781

heart

{ 小管家 }

今胎有個小管家哥哥,會每日都提媽媽要食維他命丸,又會問我食咗未!

20200223_IMG_7791

heart

{ 好哥哥 }

Aidan知道媽媽有BB,唔方便抱佢後,佢就唔會喺街行行吓要求我抱,但就會無時無刻都跑過嚟攬吓我又錫吓我,有時出街仲會幫手拎嘢,怕我太重,真是一個體貼窩心的好哥哥。

20200223_IMG_7792

heart

{ 吹脹了的大肚子 }

第二胎個肚真係會大得快好多,仲記得上胎差唔多6個月先明顯見肚,但今胎5個月個肚已經大到要用托腹帶。

20200223_IMG_7793

heart

{ 食極都唔夠 }

至從過咗孕吐期之後,每日都勁好胃口,成日都想食嘢,有時食完正餐又會想食甜品!

20200223_IMG_7794

heart

{ 功夫小子 }

弟弟,你可以安分一點嗎?可以俾媽媽瞓一覺好的嗎?

二寶真係太活躍,跟本就唔使計胎動的次數,因為佢真係無時停,經常郁經常踢,仲要勁大力!

20200223_IMG_7795

heart

{ 二寶新衣 }

由於哥哥真係太多衫仔留落嚟,所以我哋都無特登幫弟弟準備新衣。

但弟弟都有好多人錫佢架,姨姨同契媽媽都有買靚靚衫仔俾你呢!

20200223_IMG_7796

heart

{ 保護自己 }

孕期27週,撞正疫症蔓延,為咗好好保護胎中的小生命,除咗產檢外,我完全唔敢出街,同哥哥一齊留喺屋企玩就最安全!

20200223_IMG_7797

heart

{ 感謝你的到來 }

弟弟,感謝你平安健康的來到爸爸媽媽的身邊,哥哥也好期待你的出生呀!

從今以後,我哋一家4口就會相親相愛,互相依賴的生活,我哋好愛你呀!

20200223_IMG_7798

heart

{ 兄弟的愛,17號的約定 }

兩兄弟都是17號出世,好有緣份呀!

最愛的哥哥弟弟,爸爸媽媽會有老的一日,希望係我哋年老的時候,你哋會有兄弟同你作伴,互相扶持,相親相愛!

兄弟姊妹的相伴就是父母送給孩子最好的禮物。

20200223_IMG_7799

heart

希望大家會喜歡安妮媽媽畫的小繪本啦!

歡迎欣賞第一胎的懷孕繪本

【 安妮媽媽懷孕日記繪本 】|【 上集 】

【 安妮媽媽懷孕日記繪本 】|【 下集 】

————————————————————

歡迎連絡安妮媽媽:

Facebook專頁: 安妮媽媽親子日記

IG: @Annie_mama_diary | 安妮媽媽親子日記

作者:安妮媽媽親子日記

熱門文章

【育兒心得】大聲喝罵子女傷害等同打體罰 無助教養反易引發情緒問題 2大方法取代喝罵
09-19
【育兒心得】幼兒社交能力強日後成就更佳 提升幼兒社交能力5大重點
09-19
【言語治療師x蒙特梭利教學法小分享】適合一歲以後的動態活動|Miss Ana W.C. Tse (Lia媽媽) 
09-02
【面試準備】面試之在家練習聆聽GAME │H.Y 老師
09-13
【育兒心得】研究:午睡利學前兒童健康成長 減少情緒問題 記憶力更佳
09-19

【懷胎十月】13個孕婦為人所不知的奇怪小狀況
2020-09-10
【孕媽唔易做】處理尿滲 真係用M巾就得?
2020-09-10
孕婦食生菜沙律魚生 女嬰一出世染「李斯特菌」
2020-09-03
【媽媽辛酸】12個孕育生命的奧妙時刻
2020-08-28
【懷孕小知識】懷孕起抗環境荷爾蒙 防嬰孩過早發育
2020-08-27
【李韡玲】孕婦應該做運動嗎?
2020-07-13
查看更多   ▸