【媽媽心聲】孩子的快樂可以令父母充滿電︳安妮媽媽親子日記
2020-07-10
其實,同小朋友出街真係好攰!
出街前要執好所有出街要用的物品,每次都好怕會執漏,有時執齊兩個小朋友的用品,就會忘記帶自己的野。。。
出到街又要同佢地體力搏鬥,有時哥哥一枝箭咁跑走真係追都追唔切,弟弟大喊又怕會嘈到其他人。
番到屋企要幫佢地輪流沖涼洗頭,將出過街的物品清潔消毒,BB車都要抹,再tum訓覺,真係攰到會同自己講下次放假留係屋企玩算了,出街太攰喇!
但但但。。。。每次出完街,兩個小朋友瞓晒時,同老公一齊欣賞番出街時影的相片,見到佢哋開心的笑容就會忘記晒所有辛勞,好快又計劃定帶佢哋去邊玩。
相信呢個咁矛盾的心情,好多父母都會有同感!
雖然每次都好攰,但小朋友開心快樂就夠了,見到你哋笑我就充滿力量了!
————————————————-
歡迎連絡安妮媽媽:
Facebook專頁: 安妮媽媽親子日記
IG: @Annie_mama_diary | 安妮媽媽親子日記
作者﹕安妮媽媽親子日記
其他文章﹕