【疏忽照顧】離譜港媽叫獨自落街免嘈BB 4歲女被欺負兼失八達通

疏忽照顧小朋友後果可以好嚴重！有家長分享，自己因為未夠鐘接囝囝放學，於是和細女在公園玩，期間看到一個妹妹和兩個哥哥一起玩，但沒多久妹妹就哭起上來，言談間才發現原來妹妹自己一個人來公園玩，原因是媽媽不想她吵醒家中的BB睡覺。網民看到後紛紛叫發文者報警！

港媽在「生仔要考牌系列」Facebook群組發帖，指自己和女兒在公園玩，突然聽到一個小妹妹哭喊，她當時正和兩個男仔玩耍。過了一會，女童向港媽求助，指自己被其中一個男仔打，而自己根本不認識這個男仔。

港媽問起女童的家人，「佢話屋企BB訓咗覺，媽媽話叫佢落街玩唔好嘈醒BB」。女童說自己4歲，一個人落街玩，而身上帶的八達通和錢都不見了。港媽當下只好帶她到區議員辦事處，請人幫忙找她的家人。港媽不禁批評「4歲嘅小妹妹咋！叫佢自己落街唔好嘈住個BB瞓？！冇嘢呀嘛？搏養少個咩！」

不少網民都感到憤怒，「絕對要報警」、「4歲一齊出街都拖到實啦! 點會比佢自己落街玩」，亦有人可憐女童，「可能屋企係重男輕女!我估個BB係仔，妹妹真可憐」。另有網民分享類似經驗，也是見到一個約4歲女童，媽媽說不要嘈到弟弟，要她自己出去玩，「其實去club house都危險，佢嗰日仲要係去出面個公眾室外遊樂場！我立即帶佢去佢住嗰座，叫佢返屋企！佢話佢平時自己落樓下學畫畫」。