【得人驚】大媽噴口水後拔足狂奔 兩夫婦街頭窮追

本港疫情大爆發，但仍然有人不注意衛生，有網民就在灣仔慘被一個恐怖大媽噴口水，大媽得逞後拔足狂奔，網民一路窮追，即場上演街頭追逐戰，結果大媽反而惡人先告狀指被打，最後更驚動警察，網民亦被累要去做病毒測試，整件事令人無語。

網民和老公晚上收工後，在灣仔一間店鋪買魚蛋，一個大媽突然走入店鋪，對著她的頸部噴口水。網民大吃一驚，老公即刻衝出去追大媽。大媽想上的士逃走，網民老公向司機解釋後，司機停車要求大媽落車。豈料大媽立馬再次狂奔，追足幾條街，雙方都累得一頭大汗，最後大媽又想截的士，司機不載客，網民才成功捉到大媽。

網民質問大媽，豈料大媽竟惡人先告狀，反而報警說網民打她。警察到場後，又要網民返回魚蛋鋪，調查有無人見到打鬥嘈交。警察最後見大媽精神不太正常，便勸網民不要追究，要吿她未必夠證據，表示會同大媽講她行為不當。「豈有此理，向人噴口水真係抵打呀，而家仲要疫情關係，我仲要去快速測試有冇事搞我成晚…大家要注意隨時會係條街遇到呢啲人！真係有呢啲人㗎！」

大批網民都感到憤怒，「呢鑊真係……打佢又殘忍，唔打佢又難忍」、「其實你救咗的士佬」、「個口罩一直跌落嚟，應該搵個膠袋笠住個頭」，亦有人關注不應不追究，「唔怕煩的話，點都話要報警備案，阿sir一定會做嘢，過咗幾日點知會唔會自己有咩事中咗招，都會搵到傳播者呀」。

內容獲頭條日報授權轉載