【英國移民】移民前的準備 搵學校
2020-07-22
諗住移民,小孩讀書當然是重中之重
所以搵學校就變得好重要
而英國,讀邊間政府學校,就取決於住邊一區
學校係會由最近開始收生,所以就會有CATCHMENT AREA 出現,
要離學校多近先會入到入儀學校呢?
而又點樣揀心儀學校呢?
睇返之前英國學制呢篇: 英國的學制
4歲開始讀小學,11 歲讀中學,18 歲讀大學
如果小朋友仲細,直接由小學開始讀
搵屋時當然越近學校越好,到時直接派心儀學校
如果係插班生,首先,要知學校有無位
可以EMAIL 俾學校問下,記得比出生年月,咁學校先知小朋友讀邊年級
如果心儀學校有位,搵間屋近學校就最方便
如果無位插班,住隔離學校都幫你唔到