【認識貨幣】幼兒體驗金錢初接觸│Amy Wat
2020-07-28
作為一個媽媽，相信有時也會疑慮幾多歲教小朋友認識錢才合理呢？怕太遲教輸在起跑線？怕太早小朋友會少了份純真太看重金錢？我知道大部分幼稚園在K3時都會教小朋友認識香港貨幣，也會學計算買一樣$7要用哪個貨幣。不過我經驗是可以早些認識，從而早點樹立正確的金錢觀，而且實戰好過紙上談兵，讓他們親身觸摸錢、學用錢，比在書上看平面的吸引得多，所以更入腦！
其實小朋友在歲半至2歲都可以練習手眼協調，有些家長會讓小朋友用塑膠銀仔入錢罌，但我會直接用乾淨港幣給小朋友玩。而且八達通已經大部分取代日常用銀仔，所以更要將銀仔變成教學用具，讓小朋友感受一下實體的質感。
以下是我和小朋友玩過的銀仔活動，最好按步就班啊！！
第一步就是讓小朋友能把銀仔入落錢罌，重點是訓練手眼協調，只要小朋友知道哪些是銀仔就可以。
第二步學習哪個是圓形、哪個是花形、哪個大、哪個小、厚、薄，這些都是數理概念。
第三步就是讓小朋友學數數，邊入銀邊數一個、兩個、三個、四個……直到10個。慢慢可變成數1蚊、2蚊等。
第四步還可和小朋友玩超級市場，先給小朋友很多1蚊銀（只用1蚊因為這階段孩子只學會數數），超市內3蚊一個橙、4蚊一個蘋果等等，讓孩子數銀仔來買一個橙、買一個蘋果，由最簡單的買賣開始，讓孩子明白買東西要用錢。
每一步都不用急，不用特意教小朋友，就像很平常的和他們一起玩，邊玩邊講解在做什麼就好，小朋友喜歡可以玩好幾天甚至幾星期，玩到悶才轉下一步玩法，讓小朋友慢慢接受，自然運用得宜，記緊不用揠苗助長呢！
作者：Amy Wat