【溫暖故事】小店成年「捱打」整月無工開 良心業主雪中送炭免租1個月

疫情持續大半年，各行各業都飽受衝擊，當中最苦莫過於一班捱貴租的小店。不過人間有情，有小店就遇到好心業主，主動共度時艱免租一個月，令店主感嘆幸運遇到好業主。

有小店店主在「香港免佣租屋網」Facebook專頁發文，「唔知大家有冇我咁好彩呢？啱啱從whatsapp收到我業主通知，『我同拍檔談過，免你一個月租。』」店主表示，今年已是自己租舖第5年，而他平時和業主關係也不錯，「有兩句傾」。雖然過去這一年一直在「捱打」， 今個月更完全無工開。但店主一直都無開口要求減租， 因為業主本身已平過市價租給他 ，難以啟齒開口再叫減租，但這種時刻業主就主動「雪中送炭」。

店主表示，自己租的地方算幾好，如果不租也難再找到相同的地方，因此不認為業主是怕租不出去才減租。 他租的是「三四線鋪」，可以和業主「就一就」，但坦言以前也遇過無良業主，「好業主同好租客都係可遇不可求」。店主也有感恩之心，因此也回覆業主表示願意交一半租。

不少網民都感動人間有愛，「真係好難得 ，雙方都唔係金錢行頭」，但也有不少同樣開店做生意的網民就未有好待遇，「我同業主講，租到8月尾完一年死約 唔再續租，因為負擔唔起，佢已讀不回我」、「我哋住緊呢度係大業主， 即係成棟樓都係同一個業主， 交咗畀物業公司管理， 根本就唔會你個市發生咩事… 每兩年會續次每次都會加1500至2000 左右， 因為佢覺得你唔租仲有大把人租」。

內容獲頭條日報授權轉載