【移居英國】「孟母三遷」 英國小學、中學派位方法
2020-08-07
首先，講吓英國小學、中學嘅派位標準（中學只計算state school，沒有把grammar school計算在內）
當council收到入學申請表，小學也好，中學也好，
第一批派嘅學生，係有哥哥姐姐讀緊嘅弟弟妹妹；
第二批，係有特殊需要嘅小朋友。
之後，就係按catchment area，即地址遠近而決定。
計算catchment area，是以住宅和學校正門的直線距離（有啲地方按路線距離，不過應該唔會差好遠）
愈近，就愈容易入。
假設，派完以上第一、第二批小朋友，仲有50個位剩，
咁第一個位，派俾學校對面街頭小朋友，
第二個位，派俾對面街尾小朋友，
第十個位，派俾5條街後嘅小朋友，
第五十個位，派俾10條街頭嘅小朋友。
到住學校對面第11條街嘅小朋友…… 抱歉了，呢間學校FULL咗了，只好派第二間仲有位嘅學校。
每一間學校，收生嘅數目都未必一樣，有啲一級兩班，有啲一級四班。
我曾參觀過一間小小的學校，每一班30人，但係兩級小朋友一齊讀，
即是30人入面，有15人係Year 5，15人係Year 6。
因為學校收生嘅人數唔一樣，
住宅區內的同齡小朋友數目唔一樣，
所以catchment area嘅直線距離就會每年都有一點出入。
有時，可能嗰一年無咁多同齡小朋友、
學校收唔滿小朋友，
仲有機會無catchment area添！
好了，知道了派位的準則之後，就講吓幾時同點樣申請學校。
英國的學制，和香港有點不一樣。
簡單來說，英國小學第一年是reception class，是小朋友滿4歲後的9月開始入讀。
報名時間，大約是同年的1月中左右（正確dead line請查詢自己的council）
同年的4月會知派到邊一間小學，
同年的9月入學。