坐月餐單 │10款上奶催乳補身湯水及小菜 (鄭小B之成長日誌)

2020-11-10


兩胎我都無聘請陪月,自己坐月。今胎坐月,首個月就訂咗坐月餐送餐服務,唔使煩惱坐月餐單。不過補身補百日,出月後,都要繼續補身,加上餵人奶,都要keep住飲多啲湯水!​所以出月後,我都有自己做些簡單嘅坐月湯水及菜式,以下係我喺呢兩個幾月來的補身 催乳 上奶 坐月餐單 ,簡單易整,人奶媽都啱食!

人氣blogger 推薦10款補身 催乳 上奶 坐月餐單

1-3 為有助 催乳 上奶 坐月餐單 :

1.《節瓜章魚花生無花果湯》

坐月餐單-上奶-補身-湯水-小菜

節瓜係夏天消暑祛濕嘅煲湯好食材,加入章魚去煲,啖湯好鮮甜!而且章魚、花生、無花果都有 催乳 作用。

材料:
1. 節瓜 2個
2. 乾章魚 1隻
3. 西施骨 $40
4. 花生 大半碗
5. 乾瑤柱 4粒
6. 果皮 1瓣
7. 無花果 4粒
8. 水 3L

做法:
1) 節瓜用小刀刮去皮,切件。
2) 乾章魚浸軟10分鐘,剝去表皮,切件,備用。
3) 果皮浸軟去囊。
4) 乾瑤柱浸軟。
5) 無花果剪開一半。
6) 將其他材料用清水浸洗。
7) 西施過汆水,洗淨,備用。
8) 煲內注入水,加入所有材料,水滾大火煲30分鐘,再轉細火煲1.5-2小時,下少許鹽調味,完成。

2.《木瓜花生雞腳湯》

清潤又養顏嘅湯水,啖啖膠原蛋白,仲有 催乳 功效。
青木瓜 – 健脾和胃
眉豆 – 健脾袪濕、仲有助下肢循環及腫痛
花生 – 醒脾胃,壯筋骨
雞腳 – 含豐富膠原蛋白

坐月餐單-上奶-補身-湯水-小菜

材料:
1. 青木瓜 1個
2. 眉豆+花生 $5
4. 雞腳 6對
5. 無花果 4粒
6. 果皮 1瓣
7. 西施骨 $40
8. 水 3L

做法:

1) 雞腳剪出腳甲洗淨,汆水備用。
2) 果皮以清水浸軟刮囊。
3) 木瓜去皮去籽,洗淨,切件,備用。
4) 將其他材料用清水浸洗。
5) 西施過汆水,洗淨,備用。
6) 無花果剪開一半。
7) 煲內注入水,加入所有材料,大火滾30分鐘,轉小火煲約1.5小時,下少許鹽調味,完成。

3.《木瓜豆腐魚尾湯》

功效: 日常 催乳

材料同做法都好簡單

坐月餐單-上奶-補身-湯水-小菜

材料:

1. 鯇魚尾 1條
2. 青木瓜 1個
3. 豆腐 1磚
4. 薑 4片

做法:

1. 鯇魚尾洗淨,用廚房紙索乾水分。
2. 青木瓜去皮去核,切件。
3. 豆腐洗淨,切細件,備用。
4. 預熱油鑊,下薑片爆香,放魚尾煎至兩面金黃色。
5. 大火倒入滾水,煲至奶白色後,轉中火滾30分鐘,下豆腐滾10分鐘,下少許鹽調味,完成。

4-5 為雞湯類 坐月餐單 :

4.《北芪黨參燉烏雞湯》

坐月餐單-上奶-補身-催乳-湯水-小菜

兩款北芪黨參烏雞湯,上胎自己坐月時,常煲嘅湯水之一!
北芪: 稱「補氣之王」,補氣固表,增強免疫力;
黨參: 補中益氣、生津健脾;
烏雞: 滋陰,補而不燥;
特別適合生產後元氣大傷嘅媽媽們,補充氣血。不過要留意番,惡露清哂,先好飲!
平時飲用都好好,可增強體質,滋陰補氣!雖然湯料用上藥材,但一啲藥材味都無,飲落幾甜幾滋潤!

材料:
1. 黨參 2-3條
2. 北芪 3塊
3. 圓肉 適量
4. 生曬淮山 8塊
5. 紅棗/南棗 5粒
6. 杞子 2湯匙
7. 烏雞 1隻
8. 熱水 約1.5L

做法:

1) 黨參用清水浸30分鐘,瀝水,切細件。
2) 紅棗洗淨,切開去核。
3) 其餘材料浸洗乾淨。
4) 烏雞洗淨,汆水,備用。
5) 所有材料放入燉盅內,燉3小時,完成。
(我就用小P蒸焗爐去燉,high mode 30mins,然後轉med mode 2.5hrs)

熱門文章

孕婦湯水 |中醫師推薦 安胎湯水 (附 孕婦禁忌食物 一覽)
10-11
產檢時間表 、產檢流程及檢查項目 (公立醫院 vs 私家醫院)
04-06
日本熱賣︱BB止痕好幫手BABY MOPIDICK登陸香港
07-12
【溫希蓮醫生】pH值同 BB皮膚 問題息息相關
07-02
夫妻關係|當老婆成為媽媽後 好老公必須要知道的10件事
08-27

產後婦女須知│6大產後身體變化及護理要訣│慈慧幼苗
2021-10-08
麗豪酒店月子住宿|專屬樓層及專業服務 全方位關顧坐月媽媽及初生BB的身心靈
2021-09-17
媽媽分享|嬰兒需要被關愛照顧 新手媽媽也需要被關心
2021-09-02
優質產前產後護理品牌大獎︱Mama Zone媽媽專屬體驗 享受懷孕每個階段
2021-08-19
媽媽分享|毋須因妊娠紋而自卑 是它們把寶寶帶到我身邊
2021-05-20
坐月staycation│九龍香格里拉酒店坐月套餐 天恩陪月打造女皇級體驗
2021-04-30
查看更多   ▸