【父母心聲】讓孩子按能力嘗試︳社工爸媽自家教手記
2020-08-26
俾阿仔嘗試能力範圍做到事,
一向係社工爸媽的教育方向。
關於燒肉,大約3、4歲,已經開始讓他幫手夾;
大約6、7歲,他大致上自己搞掂,
只需在上碟前問爸爸意見是否ok,
而過程中爸爸亦會給予意見黠樣先燒得最靚最好食。
因疫情已經大半年無食燒肉了,
社工爸媽一家燒肉粉絲,
今日做足防疫措施,
去了一間顧客較少的燒肉店,大擦一餐!
由於只限2人一枱,所以阿仔與媽媽一枱,
原因係媽媽對燒肉唔熟手,
平時係老公照顧的,
而阿仔已經練得一身好武功,
對燒不同的肉都很熟手,
擔當起照顧媽媽燒俾媽媽食的責任。
阿仔比平時更興奮,他說:
「我終於可以自己負責晒燒肉的過程,唔需要再問爸爸的意見喇!」
原來阿仔又長大了,希望再多點自主,
爸媽聽到他這番說話,禁不住會心微笑。
自主,對所有人都重要,對孩子也是。
自主自學~
是社工爸媽很想培養阿仔有的特質
我曾經不下數十次跟他說:
「爸媽都不一定所有事情都對的,如果你覺得我們所說的有問題,你必須要提出。」
曾接觸不少又聽話又乖成績又好的學生,
但當問他們的想法時,
他們往往答不知道不清楚諗唔到……
希望我們都能夠給予空間我們的下一代,
學習做個有想法的人而不是一味地服從。
作者:社工爸媽自家教手記
其他文章: