【媽媽心聲】生完就會明㗎喇?生完原來真係會變咗第二個人︳龍鳳孖媽
2020-09-04
生仔前,有些媽媽朋友告訴我「好多嘢遲啲你就會明㗎喇﹗」
生完孖寶後,開始多了一個身份,名為「媽媽」!
估不到會中了「媽媽降」,好似變咗做另一個人咁。
一) 緊張大師
事事緊張,總之關於BB嘅,不論大事或小事,媽媽都必定大為緊張。
當媽前,出街食飯,見到隔離枱個媽媽係度清潔張high chair和枱面,我心諗需唔需要再清潔一次呢?店員應該已經清潔了吧﹗而且少少菌唔怕啦,要接觸下先有抗體嘛﹗小朋友好似過份被保護咁。
當媽後,每次見到有人食飯前唔洗手、入屋後唔洗手又或者換完片唔洗手,總之「唔洗手」係媽媽眼中已變成一種罪。小朋友唔同大人,抵抗力較差,如果把細菌或病毒食入口,唔病至奇呢﹗現在啲菌和病毒好似愈黎愈惡,甚麼猩紅熱、手足口、新冠病毒等等。總之小朋友病咗,小朋友自己辛苦,作為父母既辛苦又心痛。當然要萬事小心!
當媽前,我每晚都瞓到成隻豬咁,枕邊人幾時上牀瞓覺都唔知。
當媽後,BB只要稍有少少風吹草動,我即刻會秒速彈咗起身。而且每晚也會自動醒幾次,把手放在BB鼻孔前檢查有冇呼吸。相信每位媽媽也曾經試過吧…哈哈!老公總覺得我傻的嗎~