【小小豬廚房】太子蔘海底椰紅蘿蔔瘦肉湯
2016-03-25
之前買咗啲太子蔘用來焗茶飲，見屋企仲有些存貨，所以就用埋來煲太子蔘海底椰紅蘿蔔瘦肉湯，等三口子齊齊滋潤一下啦~
太子蔘不寒不燥，有補益心氣作用。海底椰就有效清熱潤肺，止咳同埋滋陰潤燥。所以兩者加埋一齊煲仲唔係清熱潤喉又健肺補氣！
材料有：太子蔘一兩(由於太子蔘帶一點甘味，怕小小豬唔肯飲，所以我只係落咗一兩中嘅三分二)、海底椰一兩、紅蘿蔔一個、豬肉眼$40、蜜棗三個~
瘦肉洗淨汆水備用，紅蘿蔔去皮切塊，其餘嘅藥材就浸洗一陣~
