【學校復課】1點半落堂 2點半回家再上Zoom 教育界人士狠批:趕成咁為乜?
2020-09-18
全港中小學及幼稚園高班將於下周三(23日)起分階段恢復面授課程,不過有教育界人士表示自己學校復課後,要求學生在一小時內回到家中再以Zoom視像上課,他質疑政策的可行性。
這位教育界人士在Facebook專頁「教育界黑店實錄」投稿,表示自己學校的學生「一點幾先放學,但兩點幾喺屋企zoom上埋最後一堂,仲有課外活動或者輔導班。」他對政策的可行性表示質疑,認為學生要食飯,疫情關係回到家要先洗澡,有些學生更要坐一小時車程回家,「而家趕成咁,為乜呢?係唔係普遍學校都係咁做?」
有網民表示完全違反人性基本生需要,也有其他教育界人士留言表示很多學校都是這樣,但不代表正常。「如果各間學校真係要咁行咁走,究竟要學生同家長點算好……其實宜家咁嘅環境,究竟學生成績、學校名譽緊要?定係學生嘅身、心健康緊要呢?各校可以人性化咁,去諗諗實際情況好嗎?」
另外,也有網民表示不應跟從學校政策。「根本就唔應該返全日,反正上zoom都係學唔到。」、「或者一邊坐車一邊上堂,或者索性去補習唔上佢個堂,學校都係要成績啫。」
來源:教育界黑店實錄