【湯水食譜】明目補腦 日月魚杞子合掌瓜瘦肉湯｜小小豬的成長日誌
2020-09-18
嚟緊就係開學，不過冇得面授全部都係對住電腦嚟上，講真都真係超擔心小小豬對眼睛，都好驚佢嘅近視又會加深。
日月魚對眼睛好好，咁就緊係要煲多啲俾依隻四眼小小豬飲。早幾日經好友教路，加埋杞子同合掌瓜一齊煲，除左有助舒緩眼澀之餘，又可以提升腦仔發展，仲滋陰清熱、理氣健脾同燥濕化痰，咁多好處就緊係即刻煲俾小小豬飲打定個底啦~
日月魚一両、准山一両、圓肉一両、百合一両、南北杏約一湯匙、杞子一両、陳皮一角、蜜棗三粒、合掌瓜兩個及瘦肉約$40~
日月魚洗淨後浸至軟身~
其他藥材浸洗一陣~
