湯水食譜｜滋陰潤肺 麥冬雪梨茶

天氣乾燥，係時候要煲滋陰潤肺嘅雪梨水俾小小豬飲，等佢可以開始打好個底嚟保養一下，咁就唔洗怕佢周身R做隻乾乾豬咁辛苦啦~

材料：

雪梨三個、雪梨乾一両、麥冬一湯匙、南北杏一湯匙、陳皮一角、蜜棗兩粒~

點解要用雪梨乾？依個係我相熟嘅藥材店叔叔教我嘅，佢話新鮮雪梨就算去清晒啲芯都一定係有少少酸，依個就係新鮮雪梨特性，只要加幾片雪梨乾一齊煲就可以好簡單地中和返那一陣微酸味啦~

步驟：

加左雪梨乾一齊又真係冇左嗰一陣微酸味，而且仲帶出左嗰個甜味，所以今次嘅雪梨茶就大受兩位老闆歡迎，話咁快就齊齊幫我KO晒，仲要我過兩日再煲添！

以下係各食材嘅功效，可以參考一下呀(網上資料) 

雪梨 – 雪梨含有豐富葡萄糖、果酸、鐵等多種微量元素、膳食纖維以及維他命A、B、C等，有生津止渴、止咳化痰、潤肺去燥功效，同時亦可以為身體補充額外水分。 

雪梨乾 – 具生津潤燥、清熱化痰之功效，雪梨本身屬寒涼之物，但雪梨乾經過烤焗後反而潤而不寒。 

麥冬 – 可用於治療肺燥乾咳、陰虛勞咳、喉痹咽痛、津傷口渴、內熱消渴、心煩失眠、腸燥便秘等症。 

南北杏 – 可止咳下氣，潤燥消積。 

蜜棗 – 止咳潤肺、化痰平喘功效。 

陳皮 – 理氣健脾、燥濕化痰。 

溫馨提示：
– 由於個別人仕體質不同，所以大家記得煲之前了解下自己，如有疑問，請先向註冊中醫查詢！
– 雪梨是屬於寒性嘅食物，如果有脾胃虛寒嘅情況，就應少吃或不吃，否則容易傷到脾胃。

作者: 小小豬Kinsey

其他文章﹕

【小小豬】生津清熱 – 合掌瓜馬蹄椰棗瘦肉湯

【小小豬】健脾袪濕 老黃瓜赤扁豆素湯