日期 | 全年適用 |
疲情下,已經好耐好耐無試過一家四口外出啦。
眼見疫情緩和下,我哋最近就愛上了遊車河了~~
當然啦,疫情緩和都唔可以鬆懈。
我哋都記得勤手洗,切摸眼、口、鼻。
**影相都只係偷雞除一除口罩,影完就馬上戴返好口罩,以防止感染病毒!!
簡短嘅旅程,短暫嘅停留。
欣賞下香港嘅景色,藍天白雲,仲有海景、貨船。
和牛爸爸今次帶咗我哋去「昂船洲大橋」下面欣賞風景,打卡留念。
^而外出當然要必備腳架啦~
昂船洲大橋係九龍前往離島區大嶼山嘅高速捷徑,呢座雙塔斜拉橋長逾一公里。係將昂船洲、青衣島連接埋一齊,亦係市區往返赤臘角機場嘅重要通道之一,大而橋本身亦係香港地標性嘅景點。
^ 貨櫃碼頭旁
而呢個橋底,仲拍過唔少電影添呀!!
停車嘅位置最多可以泊大概8部車左右,所以假日可能會比較多人啲。
^ 而我哋當日唔算好多人,大概得4部車左右
如果無車,都想去影相打卡,都有方法嘅~
乘坐港鐵至葵芳站,轉乘 88M 小巴前往;小巴駛入貨櫃碼頭後,喺中石化油站落車,沿青尚路一直行去海邊。
————————————————–
Facebook專頁:和牛B嘅成長專頁
作者: 和牛b的成長日記
相關文章:
【和牛b的成長日記】親子去處︳The Big Things 芬蘭式室內遊樂場 | 大自然主題
【和牛b的成長日記】親子好去處︳懷舊茶座 x 飛機餐兒童餐 | 機動遊戲 x 電子動感遊樂祭