【正向思維】期待生病的小朋友│社工爸媽自家教手記
2020-10-20
我個仔好少病
因為為他安排健康的飲食
足夠戶外活動曬太陽
自主自由的教育環境
用自然療法及香薰治療
但是
他常常都期待生病
間中就叫我摸吓佢有無發燒
好似等中獎咁希望媽媽話：「有發燒呀。」
但99%時間他都失望收場，因媽媽話：「無發燒呀。」
首先
他從小就知道生病是有好處的
能夠增強免疫系統的能力
特別是發燒後會變得更強壯
或會長高 或會有某種能力的成長
小時候他每次生病
爸爸或媽媽會創作免疫系統軍隊打病菌的故事
所以他對生病非常正面
而且由於媽媽學習和運用香薰治療已經5年
生病時大部分時間係搽天然香香的精油
用擴香機擴香精油
令他感覺很舒適
另外
重點嚟喇
就係每次生病
他會享有一個極大的病童優惠：
就係無限時睇電視
8歲半之後更可無限時打機
昨天他因半夜踢被
有少少冷親
流鼻水和有點鼻塞
媽媽照常幫他搽精油
主要是應對感冒的精油
擴香精油
提醒密密飲水
他就盡情享受病童優惠
今旱起牀他未感肚餓
但我也先煲定白粥
後來他說應該30分鐘後會肚餓
我跟他說已煲白粥
然後他說了一句：
「媽媽，你真係好貼心。」
仲使講!？(心諗)
呢個仔真幸福
很少進出診所
甚少食藥
從未試過被灌中藥
媽媽為了他願意學習很多以前從未接觸的知識
但願他的人生會將幸福帶給更多有需要的人
作者：社工爸媽自家教手記