【復課】每星期3次默書 大量功課 放學Zoom學樂器 家長嘆復課後「chur到班學生乾咁滯」

^示意圖

中小學生恢復面授上課已經一個月，未知學生們已適應校園生活未呢？有家長在Facebook發文大呻，表示兒子的學校自復課起已經每星期有超過兩次默書，功課量更十分多，放學更要應付學校的興趣班，直言「chur到班學生乾咁滯」！

這位家長在Facebook專頁「家長 Secrets」投稿，指兒子就讀一間男校小學，自復課第一日開始，每天要應付堆積如山的功課，而且每星期更有兩至三次默書，放學後更要用zoom上學校樂器班。家長表示學校在停課期間用video教學，講解十分詳盡，但復課後面授老師卻變成「求其教書」，上課大部分時間都在鬧學生、做改正，「每堂得半小時，一個上午上足八堂，小息得一個，全世界趕考試範圍，仲有兩星期考試，書都未教完。」

對於學校的安排，家長批評：「海綿都要放吓水先可以再吸水，更何況小學生，校長認為學生係萬能咩？」

帖文引起其他家長討論，有家長留言認為很多學校老師都怕再停課，所以「谷得就谷」，「小朋友停咗大半年學本身已經要多啲時間warm up，結果老師竟然再教快啲，唉，結果都係家長受難，要自己不停在家重教重學，咁樣對小朋友真係好咩？」

另外也有家長質疑學校可以用不同方法追回學習進度，「學校唔可以放棄一次考試或者默書嗰啲嘅咩？」、「學校冇用番適當時間去跟番小二下學期某啲課程，另外，係把試題方式轉做跟TSA。」

來源：家長 Secrets