日期 | 全年適用 |
今次帶兩兄弟去咗個超多嘢玩,位於流浮山的繽紛世界親子農莊 ,估唔到咁好玩,玩樂設施又多!
一入場就見到打卡熱點的心型拱門,好靚呀!
我哋首先去買票入場,有分單入場卷或套票,會有手帶作識別。
– 入場費$30 位,場內的遊戲需要逐項收費。
– 陸上套票$180 (星期六、日及公眾假期),已包入場費
安妮媽媽建議購買陸上套票呀,因為場內的設施可以任玩呢,抵好多㗎!
唔係講笑,場內真係好多嘢玩!一個套票價錢就可以任玩滑梯、蹦跳彈床、充氣彈牀、碰碰車、挖掘機、三輪車、扭扭車、草地滾筒、碰碰球、韆鞦、氹氹轉、氹氹轉單車、親子船、跳飛機等。。。