【湊仔樂趣】一人一句子女駁嘴語錄 句句「精警」激死父母
2020-11-16
雖然小朋友是父母的心肝寶貝,但有時也是個「頂心杉」。近日有名家長在香港一親子討論區以「大家分享仔女駁嘴金句」為題發文,沒想到吸引眾多家長留言,而且句句「精警」。
該名家長首先分享自己的例子表示,單身好過結婚,單身的話,我只是一人的家務,現在卻要做3個人的份量。沒想到家長的女兒回答,「你單身的話,就不會有我坐在這裏聽你呻」。
以下是其他父母留言分享:
1. 家長:你個口可唔可以安靜吓?
5歲女兒:你生我出嚟㗎喎,呢嗰係你嘅問題啦
2. 家長:成日駁嘴,點解你咁曳㗎?
小朋友:呢個問題要問番你自己,點解生到我咁曳。
3. 家長:你個衰仔唔好成日激到我發火得唔得?
3歲兒子:你唔好成日鬧我鬧到我發水得唔得呢
4. 家長:快啲啦,快啲做晒功課
兒子:時間係我嘅,我鍾意做得慢,係我嘅事
5.家長:呢度做錯咗
6歲兒子:我冇錯喎
家長:你真係錯啊
兒子:你有冇試過做錯功課?
家長:當然有
兒子:咁憑咩呢條你肯定我錯?
6. 家長:妹妹,食粥(五殼雜糧粥)喇!
4歲多女兒:媽咪,你呢啲養生粥唔啱我食。
家長:啊…點解?
女兒:媽咪,你需要減肥我唔需要…..
7.家長:仔仔,玩玩具(自己玩要扮演唔同角色)可以細聲啲嗎?我聽唔到電視機講咩!
7歲兒子:你要用心,留心聽,便會聽到電視機講咩!就好似你叫我,上堂時留心一樣,OK !
8. 家長:唔好揀飲擇食,啲葱要食埋佢,食咗會聰明啲。
3歲兒子:你呃人,你食咁多葱,都冇變聰明嘅……
9. 家長:聽日母親節點慶祝呢?
女兒:聽日我生日喎咁點先?
家長:母親節大啲喎。
女兒:無我你又會有母親節?
10. 家長:媽媽無錢㗎! 買唔到玩具!
4歲女兒:媽媽你日日返工 !你問老闆拎錢啦!返工係有錢收㗎!
11. 5歲女兒:媽咪,我第時大個唔會生小朋友㗎
家長:點解啊?
女兒:我生咗小朋友你就唔會錫我㗎喇
家長:點解咁講啊?
女兒:你而家睇婆婆就知啦
12. 家長:你唔好再咁多手多腳啦….
2-3歲女兒:我得兩隻手兩隻腳
13. 9歲女兒:我想買啲化妝品化妝。
家長:你咁靚女,唔使啦。靚女唔使化妝㗎
女兒:咁你成日化妝係唔係即係你好肉酸?
14. 家長:衰囡,你咁衰早知唔生你
3歲女:(叉起條腰)咩啊,係我媽咪生我㗎,唔係你生我㗎
15. 家長:媽媽無錢㗎! 買唔到玩具!
4歲仔:去銀行拎咪有囉