幼稚園老師疫情下與學生面貼面除罩自拍IG貼相 家長: 欠缺專業操守和防疫意識

^網上圖片

因應近日過百間學校爆發上呼吸道感染個案，衛教育局已公布幼稚園及幼兒中心本月14日起暫停面授課堂。不過最近有家長在網上發文投訴，指早前在萬聖節期間，在兒子就讀的幼稚園，竟然有老師無視疫情，與學生竟脫下口罩面貼面自拍，事後還張自拍照上載至個人IG，令家長震怒：「我真係好嬲！完全接受唔到！」

從家長貼出的投訴貼文可見，穿上萬聖節裝扮的老師先後和九位學生合照，只有一張相有戴口罩，其餘全都是脫下口罩。家長指:「而家疫情咁嚴重，再加埋上呼吸道感染，我仔仔間幼稚園，老師竟然同全班同學輪流自拍，面貼面，有d小朋友甚至錫錫老師塊面！老師好明顯dress up哂，借d小朋友自拍打卡，放上ig比我見到!」她續指:「呢個疫情令家長已經好大壓力嘅時候咁做，我真係好唔開心同好嬲！如果真心愛錫學生，絕對唔可能叫佢地除低口罩輪流合照！」

該名家長更表示有向學校反映事件，但校方未有積極跟進:「我對學校個種不了了之，只想淡化事情嘅態度都好唔開心，學校真係有了解事情始末咩？剩係敷衍我，呢件真係一件咁小嘅事咩？大家好彩，無群組咪小事囉，真係要等出事先後悔？」

投訴貼文一出引起不少網民的回響，有網民表示:「我真係完全接受唔到！平日要教佢地帶好口罩已經好花心機，老師竟然帶頭教小朋友除口罩自拍？？有無搞錯？？」，「老師放小朋友相片上私人IG 真係接受唔到」、更有人指「老師欠缺專業操守和防疫意識」。

網上圖片