【僱傭關係】為免外傭屈角落吃飯 貼心僱主廚房增設小餐枱

^家居裝修分享谷FB

僱主難免對外傭有所挑剔，但你對人好，人對你好，互相尊重才是正確相處之道。有僱主就為家中工人姐姐在廚房加設一張小餐枱，給予姐姐空間之餘，讓她不用辛苦躲在角落食飯，貼心舉動獲網民讚好。

這名僱主在「家居裝修分享谷」Facebook群組發帖，指和家中外傭分枱食飯，但見外傭已經辛苦煮飯，不想她一人屈在廚房角落食飯，於是特別為她設計一張餐枱，「未裝修前就喺廳張書枱仔食，所以裝修都有考慮姐姐食飯位置。 呢張伸縮檯只係佔一個柜桶位，置喺洗衣機上就比平時餐枱高咗少少，所以要買張high chair」。如此一來大家都各有空間，外傭也可望到廳的電視，如果願意的話也可和她們談天，「我見佢都幾開心」。

網民都紛紛讚好，「懂得彼此尊重」、「良心僱主」。有網民問為何要和外傭分開食飯，僱主就表示是個人選擇，「有時打邊爐/ 食蒸海魚就會叫姐姐一齊，其實唔同枱大家都舒服啲，但我都唔想佢屈喺廚房食。雖然而家都喺廚房，但我估佢明白我哋心意嘅。同埋其實大家傾到計。」