【好味食譜】冬菇臘腸雞煲仔飯 | Love Kelly's Kitchen
2020-12-24
琴晚嘅獨沽一味,加一碟菜就算數,偷懶嘅作品。
天氣轉涼喇好鍾意食煲仔飯,原來係冇寫過呢個食譜,依家寫番俾大家。
材料:
雞全翼 4隻、雞鎚 2隻、冬菇(細) 8隻、臘腸 1條、白米 300g、、水 適量、葱粒 適量 、
雞醃料:生抽 2湯匙、糖 1茶匙、麻油 1茶匙、生粉 1茶匙
做法:
1. 將雞用調味料醃半小時,臘腸切片,冬菇先浸軟身再切半,備用;
2. 米洗好後放入煲內加入適當嘅水分,用大火煲5分鐘, 見開始滾起,放入雞件排好蓋上蓋再用大火煲3分鐘,轉細火煲10-15分鐘,熄火繼續蓋上蓋焗10分鐘便完成
小貼士:
1. 水分大約比平時煲飯少啲啲,雞件醃好咗都會有少少水分,如果用正常嘅水分啲飯就會過濕。
2.如果想有飯焦,可以喺轉細火嘅時候留意一下,大約10至15分鐘左右會有少少燶味,嗰陣時就已經做到飯焦,即刻熄火以免過燶。
其他閱讀: