【稱職媽媽】為兒子填升中選校表「揦手唔成勢」林子博驚覺亡妻已準備好資料

林子博太太董燕君前年患上罕見癌症「平滑肌肉瘤」，子博陪妻子積極抗癌，早前更在網上眾籌嘗試新治療法，可惜林太去年尾不敵癌魔離世。太太離世後，子博要處理家中大小事務，包括一對仔女的學校文件，這才發現，原來自己一直以來「好爸爸」的形象，是太太為他塑造的。

子博最近要為兒子卓楠遞交「中一自行分配學位」，他表示要在兩個禮拜內交表到心儀中學，但除了每日要提住自己要快啲交表之外，當要找兒子過去幾年的成績表時，才發現太太原來早已將子女由幼稚園開始的所有成績表、獎狀、證書「keep起」，而且還一張張整理得井井有條。

一直以來，子博都以為自己是一位稱職的爸爸，甚至自以為比太太做得更多、更出色！「因為好多關於子女嘅事都係由我親力親為，如家長日見老師、為子女申請證件、搵學校等等…..」但最近才發現所謂的稱職，是太太一手造就出來！「因為冇人再提住我幾時證件到期？家長日係邊一日幾點鐘？重要文件擺喺邊？」當有些文件需要起上來，子博變得一頭霧水。

子博感恩身邊一直有個好太太，大讚她一直為自己塑造好爸爸形象，「其實妳先係一個最稱職、最偉大嘅媽媽！」

來源：林子博-我們這一家