【親子閱讀】一起分享 如何育成愛閱讀子女 陪養愛閱讀的好習慣︳荔枝孖媽

2021-01-18


相信大家都認同現今嘅孩子物質、娛樂豐富,出生係電子產品同千變萬化嘅世界之中,其實無形中大大改變咗孩子嘅生活、學習模式,同樣亦為作為父母嘅我哋帶嚟教養嘅新挑戰。

閱讀
可以將孩子帶領導到創意無限天馬行空嘅世界當中

閱讀
可以為孩子嘅世界增添無窮嘅樂趣同埋繽紛嘅色彩

閱讀
更加可以打破人同人之間嘅隔膜,將人連結埋一齊

最重要閱讀
可以令孩子擴闊視野,認識世界同埋社會嘅真貌,去探索更多未知嘅角度

但惱人嘅問題要來了!? 到底應該如何培養愛閱讀嘅孩子!?

特別喺現今嘅社會的確比以前來得更加困難,孩子唔係睇電話、就係玩遊戲。因為對孩子來說比起睇書,從電子產品獲得嘅滿足、還有感官刺激來得大很多。

而更加無可否認嘅係,而家嘅小朋友的確比我哋以前忙咗好多好多倍。時間表本來就已經排得密密麻麻,做功課、補習班、興趣班,就連遊戲同休息嘅時間都未必夠,更加唔好話有時間可以靜靜地細心閱讀啦。

我哋做父母為孩子籌謀當然係正常啦,但大家有冇諗過如果多啲時間喺閱讀上面,可以令到孩子從小培育出良好嘅閱讀習慣,佢哋嘅世界將會變得無限大。

如果你都係認同閱讀對孩子重要性嘅父母,又想一齊探討下點樣可以培育新一代嘅孩子養成閱讀嘅好習慣,我哋不妨一齊傾下呀。

我絕對認同閱讀係學習嘅基石,更加係伴隨孩子一輩子成長嘅重要一環,閱讀除咗培養孩子嘅專注力、語文能力外;更可透過閱讀引導孩子嘅繪畫細節能力、仲有故事都可以為孩子提升觀察力、仲有推理能力。

閱讀能夠豐富小朋友的想像力,佢哋可以透過討論,自發性地創造出更多其他故事、及情節、甚或係故事結局都可以係小朋友無限的想像力出創造出來。

平日上課,都會有好多家長問家中嘅幼童好唔專心呀,可以點做?

到底點樣先可以幫孩子建立良好嘅品格等?我往往都會回答﹕閱讀係其中一個不二法門。

故事繪本往往會以唔說教的形式,輕鬆嘅方式帶出正確嘅價值觀畀小朋友。幫助小朋友喺閱讀之中領悟到箇中嘅教育、吸取前人嘅智慧、建立良好嘅品格、陪養出良好嘅行為規範、幫助情緒疏導等、而親子之間更可以喺共讀之中得到樂趣。

新世代嘅父母都會擔心小朋友嘅心靈、情緒等問題,亦有可能擔心小朋友將來面對挫折、逆境,唔識得點樣去疏導情緒。其實簡單共讀一本同情緒有關的繪本,係閱讀同討論嘅過程之中,唔單止能夠培養孩子嘅情緒智能,父母亦都可以係當中得到教養嘅提醒。

明白以後,大家都會問底點樣先係比較行之有效嘅方法,可以引導小朋友培養出閱讀嘅習慣呢?

1. 當然係父母嘅身教呀。正所謂身教更勝言教。

培養小朋友閱讀習慣,父母係當中擔任正非常重要嘅角色,試問一下自己,我哋父母係咪都喜歡閱讀?屋企有冇營造出閱讀嘅家庭氣氛?

其實好多時孩子嘅行為都係由父母潛移默化而產生,試想下如果父母只係沉迷手機同埋終日睇電視,同樣地小朋友嘅習慣亦都只會同樣地建立下去。

相反;如果父母好多時候都係專注閱讀,自然小朋友亦會在潛移默化之下受這正面的影響,所以父母愛閱讀,而且係適當時候用書本中有趣話題去吸引小朋友,絕對係係引發小朋友喜愛閱讀嘅其中一種有效動機。

2. 同樣重要嘅係父母陪同、引導之下,對培養小朋友愛閱讀亦係不可或缺嘅一環。

因為親子共讀嘅陪伴方式,可以有效促進小朋友認知發展、提升閱讀嘅樂趣。另外父母可以同小朋友定下閱讀嘅特定時間;養成親子共讀嘅習慣,將來慢慢為孩子自行閱讀殿下重要嘅基石。

3. 由孖寶自少開始我,哋已經有一個細細嘅書櫃係放在佢地可以看到,隨手拿到的地方。由細個開始慢慢培養一個閱讀嘅環境,慢慢變成而家開始有一個比較大嘅書櫃,比小朋友隨手可以自己拎到佢想睇嘅書,亦最好能夠清晰展示部分書本,咁樣絕對可以刺激孩子閱讀嘅意欲,有助佢哋提升讀嘅習慣呀。


4. 值得一提嘅就係如果小朋友唔想睇嘅時候,父母千祈唔好勉強小朋友要繼續閱讀,我哋可以多作正面嘅鼓勵,保持愉快同輕鬆嘅閱讀時光。仲有就係共讀嘅過程之中盡量唔好去迫小朋友去認字,比機會小朋友真真正正咁體會到閱讀嘅樂趣。

5. 另外一個關鍵就係多啲帶小朋友去圖書館,或者書店。

父母可以放輕鬆畀小朋友安靜咁去睇書,等小朋友自己探索佢有興趣嘅議題同埋內容。我地父母可以從旁觀察小朋友興趣喺邊度,將來可以更容易感培養小朋友愛上閱讀,令佢哋慢慢一步一步接觸更多唔同類型嘅書籍。

你會發現當小朋友自由自在咁喺閱讀嘅天空之中翱翔,其實閱讀比電子世界,更寬、更廣、更有趣,好希望每一位父母都可以透過親子共讀,慢慢發現其實自己同樣都係可以好享受一齊共讀嗰份親密嘅感覺,親子共讀確實唔單止係令小朋友得益,同時亦係建立同子女之間親密時光嘅好方法。

我和孖寶的Facebook Page: 荔枝與孖寶 我和孖寶的 Instagram IG#: laichimama If there is any question or you looking for me and the boys, please feel free to contact LaiChiMaMa via Email: cherrywcchan@gmail.com

作者﹕荔枝孖媽

其他文章﹕

【荔枝孖媽】撕紙條做停車場 小手肌遊戲

【荔枝孖媽】轉天氣化痰止咳 清熱潤肺湯水推介: 龍脷葉蘋果湯

熱門文章

教育方式│為甚麼美國才培養出科技首富?│黃秉華
02-08
英文口音|BioNTech的標準發音是甚麼?|Gary老師
02-22
體驗英式學習|叫媽咪再報名的網上遊學|學生Kingsley課後感
02-25
【停課不停學】英文老師設計網站 3本英文文法書連練習及答案免費下載
02-14
【教養方式】華為的小公主要進軍演藝,大家怎麼看?︳黃秉華
01-21

體驗英式學習|叫媽咪再報名的網上遊學|學生Kingsley課後感
2021-02-25
英文作文│十個作文常犯錯誤(非語文錯誤)│Kenneth Lau
2021-02-26
親子育兒│圖畫書裏的「看圖識字」
2021-02-26
歷史紀錄│抗疫之路:醫護的心路歷程│鄒傳仁
2021-02-26
作文素材│中文科的準備工夫(上)│林溢欣
2021-02-25
英文口音|BioNTech的標準發音是甚麼?|Gary老師
2021-02-22
查看更多   ▸