【幸福媽媽】林芊妤被指老公買唔起將軍澳樓盤 嘲嫁錯郎 Coffee長文為老公護航:我而家幸福到不得了
2021-01-22
![](https://media-proc.ohpama.com/photo.php?s=https://cdn.ohpama.com/wp-content/uploads/master/2021/01/20210122_401a.jpg&f=jpeg&w=815&q=75)
林芊妤(Coffee)轉戰KOL之後在網絡教授瑜伽竄紅,其YouTube頻道擁有一百多萬粉絲,每月單靠YouTube廣告收入都超過六萬港元,雖然工作忙碌,但她絕對不會忽略家庭樂。早前,她在IG分享帶兒子工作的照片,惹來網民抨擊她老公,直指她嫁錯郎,Coffee今日發長文為老公護航。
Coffee在IG分享帶兒子工作的照片,寫上「藍藍天空下,一邊擁抱工作一邊擁抱兒子」,窩心的貼文下,卻有網民留言攻擊:「袋鼠佬(林芊妤老公)咁窮,savannah (將軍澳樓盤)都買唔起,女人最怕嫁錯郎。」
Coffee隨即提醒該網民不要刪除留言,並回應貼文為老公護航。「係啊,我同佢一齊同佢結婚,雖然佢唔係香港人,無車無樓。但係佢愛我啊,又有穩定職業,唔使我擔心。我同佢一齊日日只有開心笑,從來無傷心過。同埋愛大過一切啊,我有手、有腳,鐘意自己賺錢自己使。依家男女平等,都證明我唔係鍾意靠男人嘅女人。同埋原來嫁個有錢人就係幸福?嫁畀錢同嫁畀愛情,我選擇愛情,因為我有能力自己買麵包,重點我而家幸福到不得了。」