網絡熱話 | 女童裝貓入背囊公園玩耍 網民批當生命係玩具

大家都應該要好好愛惜動物。近日有網民指在公園，發現一名女童將小貓放進一個透明背囊中，期間她跑跑跳跳，小貓則疑似被晃得「暈陀陀」！

社交媒體Facebook專頁「Vegan Concept」發文指，今早經過公園，發現有一名女童背着一個透明寵物背囊，內裏裝着一隻小貓。期間，該名女童跑跑跳跳，而小貓就被晃來晃去。樓主表示，當時已即時跟女童及在旁的外傭姐姐表達，但二人均無任何回應就離開了。

樓主不禁表示，大家帶寵物出街開開心心去玩固然好，但都要用適當的袋，不要「拎住佢轉圈轉圈彈黎（嚟）彈去，搞到呀貓貓暈陀陀咁唔舒服呀」。

一眾網民看後，都對事件表示憤怒，認為女童不懂愛護動物，「唔識照顧動物，懶得意咁跑嚟跑去」、「睇到貓貓都辛苦」、「當生命係玩具」、「咁樣搞法腦震盪喎」、「帶貓出街係為左（咗）滿足自己定個（隻）貓」、「隻貓好慘」。

資料來源：「Vegan Concept」

頭條日報授權轉載