家庭關係｜發脾氣｜黃庭桄

人人都會一時意氣，遇上火都嚟埋的時候，或者會衝口而出，說出覆水難收的妄語，甚至一言不合，大打出手。

每次無明火起三千丈，都是修行的功課。

任你平日如何性格樂天，常誦佛經，總也會有脾氣，只是不會輕易顯露出來。

走到街上，當有冒失的人，行路不帶眼，把你手上的東西撞跌，你會不會罵對方：「係咪發雞盲㗎 ？」

駕車的時候，突然有途人只掛住低頭瀏覽手機，從路旁衝出來，你慌忙剎車，幸好沒有撞到對方。此時你會不會佛都有火，校低車窗指罵：「有冇搞錯啊？過馬路唔睇車，係咪趕住投胎啊？」

當你投注的一隻馬，轉入最後直路時，明明還是叮噹馬頭，守在前列位置，可惜臨衝終點前力弱，只跑第五，令你一蚊都贏不到，你的粗口可會忍不住爆發出來，怒轟騎師：「呢條友正一廢柴，都唔知有冇造馬，特登騎輸隻馬？」

跟伴侶嘈交，多少陳年舊事都重挖出來，令對方難堪，落不到台，你可會一時火遮眼說：「既然咁唔妥我，不如離婚囉……你出咗呢個門口，就以後唔好再返嚟！」一段大好姻緣，往往就此摔成破鏡，無法重圓。

有時候見到子女掛住打機，沒有溫習功課，為人父母實會囉嗦幾句，但青春期的子女通常當耳邊風，駁幾句嘴，父母往往一句撻着：「你睇吓陳太個仔幾生性吖，真係生叉燒好過生你呀……」可知道這條刺，將插在成長的心窩上。

小孩子可淘氣，情人可鬥氣，做人要爭氣！一時的吞聲忍氣，一句「真係冇你咁好氣」，便可化干戈，換來一團和氣。

作者：黃庭桄

星島日報授權轉載