培養閱讀習慣│點樣堅持7年唔俾小朋友玩電子產品?│小周董世界

2021-03-03


好多朋友都知我屋企好變態,就係無俾電子奶嘴小朋友的習慣,小周董已7歲除咗而家要上zoom堂同做功課,其他時間佢都無用電話/玩iPad,好多朋友問我究竟點做到? 究竟呢個年代唔俾小朋友玩電子產品,佢哋會變成點? 無電子奶嘴有咩好處同壞處? 今次想用2篇文章同大家分享我呢7年來的親身經歷 ^^

究竟點做到戒掉電子產品?

第一步:堅持…. 亦都係最重要的一步。我同老公由決定生小朋友前已有共同理念係培養小朋友閱讀習慣。睇得多TV、iPad同電話,畫面太豐富有比較之以下拎起本書點會吸引?所以大小周董2歲前,我們家係完全無開過部TV,直至3歲後每天才有半小時TV TIME,每天堅持有STORY TIME,除咗令到佢哋唔怕拎起本書,亦有效提升親子關係。

出街堅持一定要帶住2本書、幾張白紙、同幾枝筆,不論出街食飯等食中都可以看書,坐車亦可以用紙筆玩小遊戲,雖然拎部電話俾佢哋成餐飯真係會容易好多,但我係WORKING MOM,我會當呢個都係我同小朋友的親子時間,只要父母肯同佢哋一齊睇一齊玩,要相信小朋友一定係鍾意爸媽多過部電話。

第二步要同小朋友有多D不同活動,無電子產品小朋友一定會較悶,所以同佢哋可以出去玩多D或者做吓運動,發洩下多餘精力。平時如果坐車長時間,腦入面要諗定一D用把口/用隻眼可以玩的小遊戲,例如簡單的中文字接龍,鬥講不同顏色/形狀東西,鬥快搵到10架黑色車等等。

第三步父母要作好榜樣,想小朋友唔玩電子產品,自己首先要先戒掉(當然我明白係好難….我意思係在小朋友面前戒掉 ^^” )。 我都唔記得自己幾多年無睇過電視劇集,有時有D節目好想睇,我同爸爸都會等小朋友瞓晒 10 PM後才開場。另外,大小周董係男仔特別鍾意模仿爸爸,所以爸爸的堅持同陪伴係十分重要,本身爸爸鍾意睇書同做運動,大小周董亦都有受到感染,有樣學樣係真架,所以身教真係好重要。

其實好多人話好難唔俾電子奶嘴小朋友,我原本覺得唔好俾佢開始就唔需要去戒掉,可惜今時今日小朋友一定要透過電腦返學做功課,逃唔過一定要使用電子產品,但亦都係因為每天己經有幾個鐘走唔甩,所以其他時間更加需要控制小朋友使用時間,其實回想番早20年前完全無電子產品,我們都係一樣開心地成長,所以父母 堅持 真係好重要,少D電子產品,屋企人多咗真正相處,關係點都會CLOSE D、開心D…呢樣肯定係真嘅,所以一定一定一定要堅持啊 ^^ (#重要的事要講3次 )

下一篇我會同大家分享大小周董這些年來無電子產品係玩咩嘅呢?大家如果都想同我分享你的經歷,歡迎加我FACEBOOK同IG,INBOX同我開心SHARE啊 !

FB: 小周董世界

IG: 1437rita

作者:小周董世界

熱門文章

情緒管理|在對孩子大吼大叫前 5個方法讓爸媽冷靜下來
12-05
孩子哭鬧|玩到興起唔願走 7個方法讓孩子笑住回家
12-08
親子教養|當孩子已經出現偏差行為 父母該如何補救?|陳志恆諮商心理師
12-07
夫妻關係|錫|Kidult Daddy毒男爸爸
12-06
育兒漫畫|20個值得父母反思的育兒錯誤觀念|牛媽彭小蹦
12-05

孩子哭鬧|玩到興起唔願走 7個方法讓孩子笑住回家
2021-12-08
親子教養|當孩子已經出現偏差行為 父母該如何補救?|陳志恆諮商心理師
2021-12-07
教育孩子|家長通訊群組必須嗎?|陳東紅
2021-12-07
親子理財|一招讓孩子明白消費背後的代價|何基佑
2021-12-07
夫妻關係|錫|Kidult Daddy毒男爸爸
2021-12-06
情緒管理|在對孩子大吼大叫前 5個方法讓爸媽冷靜下來
2021-12-05
查看更多   ▸