2016-04-18
繼老公咳左幾日之後，終於輪到我了，由於我都係初起，所以就打算去買材料煲止咳湯食，希望可以湯到病除。
原本都只係打算煲之前都有成效嘅青欖桔餅湯，不過雜貨店店主教我加埋龍脷葉及石黃皮一齊煲，效用會更加好，見啲材料又唔貴，所以就一試啦！
基本上大部分材料都可以係濕貨店或山草藥店有售，有部分街市花檔都會可以買到，所以都唔難買呀！
材料就有瘦肉約$40、龍脷葉一両、石黃皮十粒、青欖十粒、桔餅2個、果皮1塊、南北杏少許~
桔餅切碎，青欖及石黃皮要用刀背拍一拍，等可以係煲時更加出味~
龍脷葉及南北杏洗淨，果皮浸軟刮囊，豬肉汆水備用~
煲內加入約3.5L水，然後加入先果皮~