補習文化｜老師投訴上堂不專心 港媽想請私補陪K1女溫書 網嘆：無童年
2021-05-31
香港補習風氣愈來愈盛，補習亦有年輕化趨勢。近日有港女在網上發文，指朋友想為就讀幼稚園K1的女兒找補習老師，向網友查詢收費及其他詳情。帖文引來熱議，網民慨嘆「依家做細路幸苦過大人返工」。
近日，一名女網友在討論區「親子王國」發文，指朋友就讀幼稚園K1的女兒，因上堂不專心，經常被老師投訴，又被老師忽略，雖然已安排女兒轉校，但希望在暑假期間請私人補習老師，和女兒溫習功課和做手工勞作，「想暑假搵老師幫佢溫下K1嘅課程，請問$300/小時會唔會太少？」。
帖文一出，引來網民熱議，紛紛慨嘆孩子沒有童年，讀書壓力大，「K1都有書溫？同埋3歲人仔唔專心唔係好正常架咩」、「k1嘅課程，媽媽自己同佢溫下已經好足夠啦」、「其實學生嘅壓力係來自家長多過學校」、「今日小朋友就係『絶對』被奪走童年」。
亦有網民認為，老師投訴小朋友專注力不足，可能與過度活躍症（ADHD）有關，建議事主帶女兒看醫生及進行評估，再對症下藥，「老師有冇話小朋友係咩問題？點唔專心法？最好找出問題」、「其實真係擔心佢有ADHD，可以做咗檢查，核實先！而唔係一開始就去搵補習老師」。女網友期後回應，表示：「朋友有幫佢女排期見醫生，不過呢段時間都想搵個老師陪佢讀書、做手工咁」。
過度活躍症（ADHD）是一種腦神經出現生理異常的情況，全港估計有約超過４萬名兒童及青少年患有ADHD，常見徵狀為專注力失調，活動量過高，自制力弱。最有效的治療方案應結合藥物治療及行為治療，家長和教師從旁的協助，以「多管齊下」的方式協助孩子。
更多文章：