悅悅媽媽社交媒體發感謝帖 唔好放棄堅持到底奇蹟先會發生

31週的早產孖女悅悅Coka和Kona去年5月出生，家姐悅悅一出世便患有壞死性腸炎，曾接受3次手術，小腸由128cm切剩12cm，由於只能長期輸營養液，導致肝纖維化，幸好悅悅在最近一次的手術順利，小腸由12cm生長至15cm，醫生已將15cm的小腸接駁到下游的小腸，成功令小腸變為30cm。

悅悅媽媽於今天（6月12日）在Facebook發帖：

「今日感觸良多，
系到好多謝大家一直支持住悅悅既所有人
同時都好多謝一班好愛錫悅悅既醫護人員。
但好希望醫護人員同所有支持悅悅既大家
未到最後一刻都唔好放棄，因為堅持到底奇蹟先會發生。
辛苦所有分享悅悅情況同報導悅悅既所有媒體
讓更多人知道同關注悅悅既病情。
十分感謝。十分感恩。
雖然媽媽系個唔太識表達同講野既人。
但系到衷心感謝大家一直既支持。
我每次探悅悅都會同佢講要加油，
有好多人支持住佢，一定會創造奇蹟能有好轉。
由悅悅你系我既肚裡面到出世個刻開始
我就一直相信住你比我更堅強，內心更強大。
我對你好有信心，一定能捱過所有然後健康出院親自去問我地有咩想同你講。
爸爸媽媽會一直堅強甘陪住你走過所有難關。
有件事我好想為悅悅做，就系好想集齊所有支持佢既朋友仔既錄音，然後去播比佢聽。
如果你地有咩想同悅悅講，可以錄音pm我，我每日探佢時播比佢聽。
等佢感受到大家對佢既愛。
送上悅悅未做手術前既一張快樂相片。
等待你變回精靈愛笑的你。」

不少網民留言支持，希望悅悅早日康復。

資料來源：CoKa.Kona Baby @ Facebook