視光師教路｜小朋友成日甩眼鏡？揀鏡框注意3個準則

2021-07-06

愈來愈來小朋友患近視要加入四眼行列，不過經常反映戴得不舒服，沒有心機學習，或者容易飛甩需要不時托眼鏡，原因可能是揀錯鏡框！註冊視光師袁紹文表示，如何挑選合適鏡框也是個學問，最好配合小朋友需要，既減少生活不便，又能加強保護眼睛！

袁紹文指出，佩戴不合適鏡框會帶來不少問題：「太重或太緊會壓住鼻樑而出現紅印，甚至引致耳痛及頭痛。太鬆則戴不穩容易移位，尤其小朋友經常低頭做功課，令眼鏡滑落，麻煩之餘也影響集中力。」除了日常生活不便，更有機會影響視力發展：「小朋友覺得戴眼鏡不適，成日『戴下除下』，可能導致度數加深，看東西變得模糊不清。使用控制近視鏡片更要小心，如果佩戴位置有偏差，效果會打個折扣。」既然合適鏡框對小朋友很重要，揀選時應留意哪些地方？袁紹文有以下貼士：

1) 物料輕薄安全

小朋友活動量大又易有碰撞，跌爛眼鏡事小，最怕割傷皮膚甚至眼睛，後果嚴重！所以最好揀彈性鏡框，並且以塑膠為佳，就算不慎斷裂碎片亦較少，不易傷到小朋友。另外，要注意金屬或電鍍等物料，有機會造成過敏，塑膠則相對安全，有美國食品藥物管理局（FDA）認可就更安心。

2) 舒適可調校

如果生活和學習都離不開眼鏡，揀鏡框當然以舒適為大前提。不過每個人的臉型不一樣，有合適鼻托配合會較理想。例如小朋友鼻樑扁的話，需要闊身鼻托以承托眼鏡重量，改善因長時間佩戴而感到疲勞。鼻托不宜太緊貼面部，避免眼睫毛刷到鏡片，更能減少鏡片起霧，特別疫情下戴口罩容易有這個困擾。

3) 具備防滑功效

除了鼻托，可以留意鏡腿能否自行調較長度，以配合小朋友頭圍，防止滑落，不用成日托眼鏡。如果小朋友屬活躍型，更可考慮在眼鏡加上頭帶，就算佩戴高度數的厚重鏡片，跑跑跳跳亦不易鬆脫。

近年市面上就有具備以上特點的鏡框推出，例如南韓品牌Tomato Glasses特設小朋友專屬鏡框。由美國食品藥物管理局（FDA）（認證）無毒材料製成，柔韌不易爛，而且十分輕巧，只有約6至9 克重量，配合加厚耳勾，減少對耳朵造成痛楚不適。為配合小朋友需要，鼻托和鏡腿均可自行調校，舒適承托眼鏡，同時防止眼鏡滑落。鏡架零件亦可分別購買，損壞時只需更換鏡架而不必浪費鏡片。另一貼心位是所有Tomato Glasses 均備原裝頭帶，小朋友戴住眼鏡也能活動自如。

▲註冊視光師袁紹文提醒，切勿上網為小朋友買鏡框，一來物料安全性成疑，二來未必能配合鏡片，例如控制近視鏡片有尺寸要求，太細可能裁走控制近視區域，最好還是尋求專業視光師的建議。